مدونة أسود و أبيض

تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

عن نقطة “عدم الفهم وعدم اليقين”للموضوع/العلاقة”

لما تبقي شغال في شركة او علي مشروع او حتي لو كنت في علاقة مع اي شخص و وصلت لنقطة “عدم الفهم وعدم اليقين”للموضوع/العلاقة،
اللحظة اللي بتترد وتفكر في كل خطوة هاتعملها تجاه الموضوع/العلاقة،
اللحظة اللي الموضوع/العلاقة بتشكل عليك ضغط وبتسببلك مشاكل بتعطلك كل حاجة بتعملها او ممكن تعملها

الحل اللي ممكن تجربه وقتها انك تقرر “تلغي” الشغل/العلاقة بسبب كثرة الضغوطات والمشاكل اللي بتتعرضلها بسببها..اتعامل مع الموضوع انك هاتلغيه وابتدي تتحرك في الاتجاه ده،

في الاغلب هايحصل حاجة من اثنين اول ما تتحرك:
١ – هتلاقي دعم من الطرف الاخر
“سواء كان مديرك/زمليك في الشغل او شريكك/شريكتك في العلاقة” وهاينزل عليك الوحي بكم افكار كثيرة بحلول لكل المشاكل اللي بتواجهك

٢- هاترتاح وهاتحس ان في ضغط كبير اتشال من عليك اول ما الموضوع/العلاقة تنتهي وهاتبتدي تشوف افكار/فرص او تخلق لنفسك فرص جديدة استحالة كانت تظهر او كنت هاتقدر تشوفها وانت في كم الظغوطات والمشاكل اللي كنت بتتعرضلها

اكيد الموقف مش هايبقي ظريف في الاول وممكن تقعد فترة طويلة/صغيرة متضايق…بس ممكن يكون دا قرار هيغير من مسار حياتك.

انتقل إلى أعلى