مدونة أسود و أبيض

تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

فرق بين (علاقات مُجهِدة ) و بين ( علاقات محتاجة مجهود عشان تنجح )

 

مبدأيا اي علاقة بين اي اتنين هي عبارة عن تفاعل بين كيانين الي حد ما مش متطابقين لبعض ، يعني فيه نسبة اختلاف و لو حتي بسيطة بينهم نتيجة التربية و النشأة المختلفة .. و ده اللي بيتطلب “مجهود” من الطرفين عشان يحصل توافق او تلائم يغطي علي الاختلاف ده .. يعني مثلا طرف متعود ميتكلمش كتير في التليفونات و الطرف التاني بيحب يتكلم او يبقي علي تواصل مستمر مع اللي مهتم بيهم ، فاكيد الاتنين حيبذلوا مجهود في بداية العلاقة عشان يوصلوا لصيغة ترضيهم الاتنين ، يعني اللي مش بيحب الكلام يجي ع نفسه و يركز انه يطمن اللي بيحبه .. و التاني ميخدش الموضوع ع صدره و يحترم طبع الطرف الاول …

.. المشكلة لما المجهود المبذول في العلاقة يبقي مش مجرد مجهود طبيعي للملائمة او التوافق إنما يبقي مجهود بيستنزف طرف من الاتنين .. مجهود مش عشان تنجح لا ده عشان يخليها موجودة من الاساس !! ديه بقي “العلاقة المجهدة ” .. اللي هو تحس فيها انك بتحارب لوحدك ، مفيش اي تقدير لمحاولتك المستميته لانجاح العلاقة دية ، مفيش حرص من الطرف الاخر علي استمرارية العلاقة اصلا ! .. انما بتحس ان حتي ابسط البديهيات بتحتاج فيها لصراع عشان تحققها .. انتا مش حاسس براحة لا بتوتر .. مش حاسس بامان انما بخوف .. مش حاسس انكوا بتطلعوا لقدام سوا لا انتا بترجع لورا لوحدك !! ..

الكارثة كلها لما انسان يكون في قلب ( علاقة مجهدة ) و يحب يعيش وهم ما يخدع بيه نفسه ،، ان ده عادي جدا و ان ده شوية تعب و مجهود عشان بس العلاقة تفضل .. شوية تضحية بتحصل في الطبيعي عشان العلاقة تكبر و تنجح !! .. يؤسفني اصارحة ان العلاقات اللي زي ديه عمرها ما بتكبر او بتنجح ، حتي و لو كملت بتكمل بتخدير طرف منهم نفسه انها حالة مؤقتة و حتعدي !! .. و الحقيقة ان مفيش حاجة حتعدي انما كل اللي بيحصل ان كل فترة بيدوس علي افكاره و شكوكه ، بيقتل جواه طبيعته و جوهره .. كل اللي بيحصل انه بيزيف واقع انه في علاقة استغلال و استهلاك ! .. كل اللي بيحصل انه بيعيش تايه متعذب في جحيم تأنيب النفس و لعنة جلد الذات .. فاه من برا العلاقة مستمره و موجودة ، بس الحقيقة انها علاقة اتحكم عليها الموت و الدفن ..!

في فرق بين (علاقات مُجهِدة ) و بين ( علاقات محتاجة مجهود عشان تنجح ) ..مبدأيا اي علاقة بين اي اتنين هي عبارة عن تفاعل…

Posted by Kerolos Bahgat on Friday, May 24, 2019

انتقل إلى أعلى