تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

فكرة التعميم طول عمرها غلط

فكرة التعميم طول عمرها غلط .. بنتوارثها من اول ما بنتولد
الموضوع ابتدا من اول “الكارتون”
– اغلب الناس كانت عارفة ان القط والفار اسمهم Tom & Jerry بس معرفتش مين فيهم Tomm و مين فيهم Jerry غير لما كبروا ومعرفوش حتى اسامى باقى الشخصيات زى الكلب اللى كان بيطلع معاهم
– كنا بنتفرج على Super-Mann ويتقال عليه سوبر مان الشخص ..او سوبر مان قبل ما يتحول بدل ما نقول اسمه Clark Kent
– كنا عارفين Tweety “لانه تقريبا كا بيترسم على مناديل او كشاكيل زمان” بس منعرفش اسم القط اللى كان معاه ايه
– عارفين ان العيلة اسمها The Simpsonss بس طبعا مفرقش نعرف فرق الاسامى ما بينهم لانهم اسرة مع بعضيهم
– Sponge Bob & Sandy دول اتعرفوا زى ما هما لانهم بيقولوا اسمهم .. اما شفيق وسلطع والخزعبلات التانية دا افتكاسات وتاتش مصرى
– طبعا فى حاجات معروفة زى ميكى وميمى وبطوط .. بس طبعا مفيش حاجة اسمها “عم دهب”
– محدش كان فاكر اى حاجة من شخصيات الـ Muppet Showw لحد ما الموضوع طلع موضة اليومين دول ركبها الحج “كيرمت” والناس عرفت اسمه.

الموضوع ملوش علاقة بفكرة الكارتون تحديدا .. الموضوع ممكن تطبقه على حاجات كتييير حصلت فى حياتنا زمان .. الحاجت دى هى اللى ادت الى مصطلح ان
الطفل المصرى اذكى طفل فى العالم .

الاغرب فى الموضوع ان كل الناس اللى “تعبت” و واجهة مشاكل من زمان بسبب شوية حاجات غلط .. بيربوا ولادهم دلوقتى على نفس الحاجات والافكار .. بس بطريقة مودرن .. بننقلهم العاهات والتقاليد بس بستايل 2015

حاولوا تهتموا باولادكم .. وتدولهم الفرصة يعيشوا “حياة” ويحلموا بعيدا عن فكرة الجواز والشغل لانه دى من “اساسيات” الحياة ومينفعش تبقى هى دى الاحلام.

سؤال: هى الدول اللى عندها فرص عمل .. شغل .. شوارع نضيف.. حياة مستقرة.. ومعندهمش 7 الاف سنة “حضانة” .. عايشين ازاى!!!

انتقل إلى أعلى