تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

فكره انك هتتجوزي جواز بسيط

إنتي بتشتغلي زيك زي الشاب بالظبط ويمكن مرتبك أعلي من مرتبه …

فكري كده محتاجه كام سنه شغل علشان تجيبي شقه صغيره انتي ترضي تعيشي فيها … وكام سنه علشان تشطبيها …وكام علشان تفرشيها … وكام سنه شغل علشان تجيبي شبكه صغيره وفرح ع الأد وشوية هدايا بسيطه …

أجمعي دول كلهم وحطي نفسك مكان شريك حياتك للحظه وشوفي هتحسي بأيه وانتي بتطلبي دول ….ده بفرض ان الشغل موجود و حال البلد زي الفل ….
حاسه بأيه وانتى عليكي كل المسؤليات دي لمجرد انك شاب عايز يعف نفسه بالحلال…بتتمني لحظه تحسي فيها بشئ من الاستقرار النفسي والعاطفي …ليه تصعبي الحلال والحرام سهل ومالي الشوارع …

فكري في شريك حياتك في الدنيا وزوجك في الجنه ان شاء الله بيتأخر عليكي قد ايه وهو قلبه بيتحرق من شوقه ليكي علشان يحوش تمن حاجه ملهاش اي لازمه لا هاتسعدك ولا هتسعده …

ابدئي انشري الفكره انك هتتجوزي جواز بسيط حتي لو كان نصيبك مع اغني رجل في العالم و حاربي عادات اجتماعيه ظالمة حرقت قلوب كتير …بيعاني منها اللي قادر واللي مش قادر

https://www.facebook.com/aya.eladawy.12/posts/475582399213125

انتقل إلى أعلى