تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

في حب الناس الحلوه

في حب الناس الحلوه اللي بتقول “وحشتني” بدل “مبتسألش ليه”

اللي ال seen ومابتردش عندهم اول ترجمه ليها = معذور

اللي بتفيب.. ولما تتكلم ماتشيلش هم تبرير غيابك، ماتشيلش هم “انت لسه فاكر؟”

اللي فاهمين انك ممكن ماتسألش وهما لسه غاليين برضه…

اللي مش كل حياتهم ترقب، تصيد،
Online.. Typing… Online… Typing
يكتب ويمسح، يكتب ويتردد، بيدور علي كدبه، بيدور علي كلمه ماتتفهمش غلط

اللي عارفين تفاصيلك… الحاجات الصغيره اللي بتفرحك… اللي ممكن مايتكلموش، بس عارفين ازاي يسعدوك

اللي مايهمهش المسميات.. الخطوط.. اطار العلاقه المتحدد سلفا…مبيسألوش انا ايه بالنسبالك ؟

اللي مش روتينين.. وكل مسدجاتهم اسطمبه “ازيك” .. “عامل ايه”…

اللي بيبداوا كلام مع نفسهم، ف اي وقت، بدون مناسبه، بدون كلاكيع، بيحطوا” قلب” ويمشوا
ولا يطولوا ف الشات

المجانين.. اللي بيحبوا الأكل والسينما والتنطيط والبحر والعود والشيكولاته … اللي بيقولوا” يلا بينا” من غير تفكير طالما معاك

واللي اسمك عندهم شتيمه احب لقلبك من ميه دلع

ليس بمحب من احتجت إلي مداراته..
حبيبك من اذا تكلمت معه علي سجيتك، قبلك علي علتك

#الحلوين
#قولوا_للحلوين_انهم_حلوين_في_عنيهم
#منشن_اللي_بيفرحوا_قلبك

في حب الناس الحلوه اللي بتقول "وحشتني" بدل "مبتسألش ليه" اللي ال seen ومابتردش عندهم اول ترجمه ليها = معذور اللي…

Posted by Wesam Fawzy on Thursday, April 23, 2015

انتقل إلى أعلى