مدونة أسود و أبيض

تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

في فقر بالوراثة وفقر بالتعلم وفقر بالاكتساب

من أنواع التشوة في سلوكنا تأخير المتعة واستقدام الفقر, طول عمري نفسي أفهم فكرة اننا نشتري طقم كاسات أو أطباق غالي ونحرم نفسنا من استخدامه ونخزنه في النيش

اقرار مننا اننا مش وش نعمة واننا منستهلش اننا نأكل في الاطباق دي أو نشرب في الكاسات دي وان الضيوف والناس الغريبة بس هي اللي تستاهل انها تستخدمها عادي كجزء من الوجاهه الأجتماعية والتنطيط علي خلق الله, أنما احنا مش مهم نعيش أو نستمتع بحاجة أحنا فقر يابني, بنعشق الفقر, ولما نشتري انترية شكله حلو هنغطية وهنحرم نفسنا من المتعة علشان يعيش أكثر وميتبهدلش, احنا نتبهدل عادي بس الانترية لا حرام, احنا لما بنيجي نأكل بنأجل الصنف الحلو من الاكل في الاخر لكن منبداش بيه ابداً, مش من حقنا نستمتع في البداية ولا حتي النهاية علشان بنكون شبعنا, احنا لما بنشتري لبس ابيض مبنلبسهوش علشان بيتبهدل ولو اللبس غالي مبنلبسهوش برضوا علشان نحافظ عليه, احنا لما بنشتري حاجة جديدة مبنلشلش الاستيكر من عليها, موبيلاتنا متغلفه بسكرينه وجراب وشوية هنمشي بيه في العلبة بتاعته … احنا فقر بنقدس الفقر, احنا رافضين فكرة ان نعمة ربنا تظهر علينا…. احنا مصريين مؤمنين بفكرة البعث والخلود بنحول كل حياتنا لمقبرة ونحافظ علي كل حاجة فيها زي ماهي لحد ما نموت علشان هنستخدمها في حياة اخري بعد ما نبعث من جديد 🦓 في فقر بالوراثة وفقر بالتعلم وفقر بالاكتساب

من أنواع التشوة في سلوكنا تأخير المتعة واستقدام الفقر, طول عمري نفسي أفهم فكرة اننا نشتري طقم كاسات أو أطباق غالي ونحرم…

Posted by Sherif Saied on Saturday, March 23, 2019

انتقل إلى أعلى