مدونة أسود و أبيض

تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

قرروا يلغوا البساطة

حصل حاجة في الكام سنة اللي فاتت في افكار الناس
ظهر مجموعة من البشر قررت تزيل واحد من أهم الأفكار الإنسانية الراقية الممتعة
قرروا يلغوا البساطة
اخترعوا كل مايلغي و يمحو فكرة الاستمتاع بأي شئ بسيط
الإجازة لازم تبقي في مكان محدد و سهر و اكل بره
لابد تلبس بالشكل الفلاني و الماركة الفلانية
عربيتك لازم تبقي
بيتك لازم يبقي
شغلك لازم يبقي
فرحك لازم
عيالك لازم
ملعون ابو لوازمكم و قواعدكم و افكاركم
سابوا بقي عالم الماديات بعد ما دمروه و دخلوا علي المشاعر
و اللي زاد و غطي بقي .. فزلكة في الحب و المشاعر
حب اللي مش عارف ايه و متحبش اللي مش عارف ايه
الحب لازم يبقي كذا و كذا و كذا
الحب الحقيقي لازم يطلع روحك فيه و تموت و يمثلوا بجثتك علشان تثبت انك بتحب بجد
دفعات من الخراء الفكري من أجل الفذلكة و لا شئ غير الفذلكة
ما تبطلوا بقي
ما تسيبوش حد يقولكم تعملوا ايه و متعملوش ايه
متخلوش عقدهم تكبس علي انفاسكم لمجرد أنهم بهايم مش اكتر
امسكوا في كل شئ بسيط و سهل
الحب السهل و الاكل السهل و العيشة السهلة
ملعون كل معقد و صعب
في حب الناس اللي لسه سهلة

https://www.facebook.com/hossam.kamel.75/posts/10162187197380001

انتقل إلى أعلى