مدونة أسود و أبيض

تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

كام كلمة

كام كلمة ..الجزء التانى:

مش كل الناس اللى بتقول “حاجة صح” ينفع تتسمع على طول

الصفة مش ميزة ..الميزة مجموعة صفحات

لما بتطلب من حد حاجة ..وهو مقعدش يرغى معاك ورد على طول ..احيانا بيبقى تناكة ..واحيانا بيبقى وضوح وعدم رغبة فى الفتى + شوية انشغالات كده علشان يقدر يكمل حياته

انت متعرفش كام واحد غيرك بيسأل عن نفس الحاجة ..انت بتشوف نفسك بس

للاسف معنديش خطوات تمشى عليها .. واللى بيديك الخطوات .. اخرك هاتبقى نسخة مصغره منه.

فكرة انك بتضيف التتاتش بتاعك على حاجات كتير انت واخدها من حد من غير ما تفهمها هاتلبسك فى الحيط

معرفش ايه الفرق بين انك تتبع خطوات الناجحين وبين انك تتعلم منهم.

متضفش حد فى جروب هو مش فيه ..هايمسح نفسه ومع الوقت والتكرار هاتخسر ثقته فى اى حاجة انت بتعملها

فرق بين مش يمكن يستفيد ..او يمكن يقول لحد يستفيد .. وبين انك عايز تستفيد من خلاله

هاتفضل تتجنن..تتجنن..تتجنن..وبعدين هاتفهم

التهيس ناجح قوى لان القيمة قليلة والقيمة اللى موجودة مش معروضة صح ..المشكلة فيك مش فيهم

فهمك للصح بيختلف عن فهمهم للصح ..انت كنت لسه زيهم من شوية

متعملش حاجة لحد ببلاش ..ولو عملتها ببلاش متستناش منه شكرا.. هاترتاح

كل فترة لازم تعمل حاجة مش بتحبها.. لو مفيش حاجة اتفرضت عليك ..اعمل انت حاجة مبتحبهاش ..هاتستمتع بعدها باللى بتحبه

كل يوم هتلاقى ناس بتتضاف فى جروبات وتخرج منها ..وناس تانية بتطلب انها تنضم لجروبات ومش بتعرف ..اانت بتدور على حد هو بيدور عليك ومش لاقيك.

صورتك مع شخصية كبيرة …مش انجاز تتباهى بيه

لو كل يوم بتعمل حاجة وكل يوم بتحصل مشكلة ..فالمشكلة فيك انت ..الحاجات مش بتتغير

مفيش حد هايشوف حاجة انت كاتبله فيها “مقصودة او موجهة” من غير ما تبعتهاله

البلوك مش صعب ..خليك دايما فاكر كده

البلوك مش اونلاين بس

مفيش حاجة ملهاش بدائل

متسألش حد عن حاجة تافهة…الموضوع مش ناقص

تعريف التافهة ممكن نختلف عليها .. بس لو بتاخد راى حد خبرة ..ممكن يعرف الموضوع احسن منك

الحاجات التافهة غير الحاجات الاساسية فى البداية

تانى..الكلام كله خرافات ..متمسكش على الواحدة

كل حاجة فيها احسن حد ..وتانى احسن حد .. وتالت ورابع وخامس ومليون ..اعرف انت بتسأل مين

متفهمش الكلام بمعناه ليك ..انت متعرفش انا بكتبه ليه؟

انت دايما مش بيعجبك جزء من الحاجة ..وفى الاغلب بتعترض على الحاجة كلها

هتلاقى ناس كتير بتعترض على حاجة وهى عاجبها ..اتعلم تتعايش مع كده علشان هاتقابله كتير

لما تطلب من حد حاجة ويعمل عكسها قاصد..راجع نفسك معاه وشوف هاتتقبل دا لما يتكرر ولا لا.. وخد قرار

عندك فكرة ..عايز الناس تتلم حواليها .. ابدأ الاول وبعدين اتكلم عنها ..العكس مش دايما بينجح

الافكار الحلوة مفيش اكتر منها ..ابدا الفكرة وبعدين ابقى اتناقش فيها

لو شكيت فيها وقلت مش هبدأ ممكن تبقى الفكرة مش حلوة او انت مش هاتعرف تقنع الناس بيها

حاول متعملش حاجة حد فشل فيها من غير ما تعرف هو فشل ليه او انت هاتضيف ايه جديد

الجديد مش شرط يبقى مميز ..ممكن الجديد يبقى شاذ

كلامى مش دايما صح

وساعتها مش هايقولوا الله يرحمه بذل مجهوده يمكن يفيد جمهوره

ابعدهم عن طريقك وكمل المسيرة

انتقل إلى أعلى