مدونة أسود و أبيض

تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

كل الناس عندها مواهب.. بقالها قرون بتتحارب

كل الناس عندها مواهب ..دي حقيقة ..بقالها قرون بتتحارب.

للاسف لما الانسان اتسحل في عجلة الفلوس والرأسمالية …اكتشفنا ان احنا محتاجين عمال ومزارعين وتجار اكتر حاجة. والمصنع محتاج ناس كتير والمكنة لازم تمشي ولازم يبقي في علبة جبنة في البيت. ومحتاجين كمان ظباط وعساكر كتير لحماية المجتمع والمكنة دي.

طب ايه المشكلة؟ محدش عايز يقوم بالدور ده بسرعة وبطريقة انتاجية.

العيال بتتولد ياخويا اللي عايز يرسم واللي عايز ينحت واللي عايز يغني واللي عايز يكتب واللي بيحب التمثيل واللي بيعرف يعمل حاجات غريبة بقشر الخضار ..واللي بيزرع احلي فاكهة..واللي مرن جداً فا بيحب الاكروبات ..واللي بيحب يدرس الفراشات ..واللي نفسه يعمل عربية سريعة….ومواهب كتير واختراعات كتير ..

بس المكنة مبتشتغلش كدة .. معلش صغرلي بقي الطموحات دي كدة ..مش كل الناس عندها مواهب ..في حاجة اسمها التعليم والتعليم بييجي عند مرحلة يسألك سؤال واضح…

هتخش السيستم ولا تشتغل من براه؟ علمي ولا ادبي ..ها انجز …الحاجات اللي بتجيب اكل هي طب وهندسة وتجارة وامن وده اللي احنا محتاجينه.

اعمل مشغولاتك الخشب دي بعد الساعة ٥…طب بجد اقولكوا حاجة اوسخ ..الراجل اللي اخترع التعليم الابتدائي في امريكا من القرن التمنتاشر كاتب في المانيفستو بتاعه ان التعليم الابتدائي معمول للقضاء علي الفردية عند كل طفل..بمنتهي الوضوح.. اعملوا سيرش.

طب والموهبة؟ لا حولها لحاجة انتقائية عند جنس محظوظ من البشر مش كلهم. الموهوب ده عنده حاجة “سحرية” وايه ده سبحان الله كرمه وطلع في arab idol اللي احنا عاملينه ..وايه ده حاجة نادرة جدا كل ١٠٠ سنة بيطلعلنا موهوب.

وهي مش نادرة ولا حاجة كل الناس عندها edge بس هو لازم يحسسك انها حاجة نادرة عشان تفقد الامل في انك تلاقي موهبة او حرفة في دمك وتخرج من الشغل وتستقيل وتبوظله المكنة.

مع ان زمان النحات كان موهوب ..كان بيعمل حضارة ..والرسام ..بيسيب حاجات تعيش الاف السنين..والمحارب محارب قوي وممشوق ويتخاف منه ..وكل واحد اختار حاجة درسها ..وساح فيها وبقاها…عملها افشخ بمراحل من مكنة شغالة بالاحتياج للشغل مش بحرفية الصانع.

للاسف مش بيفهموا انه لو اتساب الناس براحتها هتعمل ما يكفيك برضه بس المرة دي هيجيلك عمال موهوبين وموظفين بيحبوا شغلهم في الشركة وهي دي موهبتهم…هيفضل اللي ماسكين المكنة الكبيرة دي بيقنعوا كل بني آدم عالكوكب انه مش مميز.

اقروا عن وهم الموهبة ..وازاي كل حاجة انت بتشوفها سحر هي غالباً من واقعيتنا السحرية عادي لكن هما بيقنعوك انها مجرد نقطة حظ مش ليك. وانك مش محتاج حتي تدور عليها.

كل الناس عندها مواهب ..دي حقيقة ..بقالها قرون بتتحارب. للاسف لما الانسان اتسحل في عجلة الفلوس والرأسمالية …اكتشفنا…

Posted by Amr Sokkar on Tuesday, October 8, 2019

 

انتقل إلى أعلى