تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

كن_عوناً_للناس

صديقي العزيز…
لما تعوز حاجة والعبد لله اللي هو انا اجي في دماغك…
اياك ثم اياك تتحرج تكلمني…
احذر انك تبدأ طلباتك ( اللي بعتبرها أوامر ) بمقدمات عن السؤال عني …
اوعى تفكر انك بقالك سنين مارفعتش سماعة التليفون عليا فتتكسف تكلمني…
صديقي العزيز :
اسمع مني البقين دول…
احنا كلنا هنا أموات أولاد أموات…لن يتبقى لنا في هذه الدنيا سوى دعوة من حد خدمناه… حسنه من حد اتوسطناله في خير …
نحن هنا عالة إلا أن يستعملنا الله …
“إِنَّ لِلَّهِ أَقْوَامًا اخْتَصَّهُمْ بِالنِّعَمِ لِمَنَافِعِ الْعِبَادِ، وَيُقِرُّهَا فِيهِمْ مَا بَذَلُوهَا، فَإِذَا مَنَعُوهَا نَزَعَهَا عَنْهُمْ وَحَوَّلَهَا إِلَى غَيْرِهِمْ”

“أحبُّ الناسِ إلى الله أنفعُهم للناس وأحبُّ الأعمالِ إلى الله سُرُورٌ تُدْخِلُه على مسلم أو تَكْشِفُ عنه كُرْبَةً أو تَقْضِى عنه دَيْناً أو تَطْرُدُ عنه جُوعاً ولأَنْ أمشىَ مع أخي المسلمِ في حاجةٍ أحبُّ إِلَىَّ من أن أعتكفَ في هذا المسجدِ شهرًا ومن كفَّ غضبَه سترَ اللهُ عورتَه ومن كَظَمَ غَيْظَه ولو شاء أن يُمْضِيَه أَمْضاه ملأ اللهُ قلبَه رِضًا يومَ القيامةِ ومن مشى مع أخيه المسلمِ في حاجةٍ حتى تتهيأَ له أثبتَ اللهُ قدمَه يومَ تَزِلُّ الأقدامُ وإنَّ سُوءَ الخُلُق لَيُفْسِد العملَ كما يُفْسِدُ الخلُّ العسلَ”

مكالمتك لي … تشريف لي من الله بالاستعمال فلا تحرمني منها
والله العظيم ما بنبص انت بتاع مصلحتك ولا لا…
والله بنحب بتوع مصالحهم جدا وبنحبهم لما يفتكرونا لمصلحتهم…
الحرص على ماينفعك وصية نبوية :
احرص على ما ينفعك ..
وطبعا لما ماعرفش اخدمك او انسى إياك تفتكر اني طنشت علشان انت مابتكلمنيش الا لمصلحة…والله ابدا…
صديقي العزيز :
اول ما تفكر ان انا ممكن أخدمك…ارفع سماعة التليفون وكلمني وأملِ أوامرك مباشرة تجد قلبي يرقص طربا
ملحوظة :
هذا البوست هدفه حاجتين
حاجة شخصية : وهي ان فعلا حصل ان حد كان عاوز مني حاجة واتحرج يتصل …
حاجة عامة : وهي ان قد ايه في ناس كتير بنحبها وبتعز علينا و بنفقدها فعليا بسبب انهم بيتكسفوا يكلمونا…
احنا في هذه الحياة ليس من المفترض أن نفقد من نحب يا اخواننا …
ماتعاتبوش…وماتضغطوش…سيبوا الناس تكلمكم لمصلحة بدل ماتفقدوهم خالص
منقول بتصرف.
#كن_عوناً_للناس

https://www.facebook.com/rashed.alfeky/posts/1337583413012703

انتقل إلى أعلى