تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

لو شبهنا حياتك بالي حصل معاك في الفيس بوك

لو شبهنا حياتك بالي حصل معاك في الفيس بوك
فانت بدأت في الاول “باضافة” كل الناس اللي عدوا في حياتك
بغض النظر تعرفهم او متعرفهمش قوي ..بتحبهم اصلا ولا عادي
كان دايما قدامك كلمة Find Frineds
حاجة بتحسسك انك ناقصك حاجة ..بتدفعك للاختيار.. بتخليك تفكر وتدور ..واهم حاجة انها بتخليك تاخد اكشن
Search & Add
بمجدر ما بتوصل لمرحلة “الشبع” ..بمجرد ما بتختفي الكلمة دي ..بيتحول الموضوع لعادي ..عادي انك تضيف حد ..وعادي انك تخلي حد انت مش عايز تشوفه منه حاجة .. عادي انك تستحمل الناس تبعتلك دعوات لحاجات ملهاش علاقة بيك ..عادي انك تتضاف كل شوية في جروبات انت مش طايقها ولا طايق اللي فيها ..بتتحول من شخص بياخد اكشن لشخص مبيقولش غير كلمة عادي ..واحيانا “كتير” بيقولها في سره “مبينطقهاش”..

كل الاكشن اللي بتعمله في حياتك انك “تضيف حد جديد لما يظهرلك – بالصدفة – في People you may know ” غير كده مفيش

عمرك ما هاتتحرك تاني طول ما انت “شبعان قوي” او “جعان قوي”
طول ما انت مفيش حواليك اي حد ..حتي ولو وجوده صوري بس موجودين ..او عندك ناس كتيير – بعيدا عن انه بيحصل استفادة لاي طرف او لا” مش هاتتعرف تتحرك ..هاتعدي من قدامك الفرص ومش هاتعرف تمد ايديك .. هاتفضل تشتكي من كل حاجة بتحصل

محتاج كل فترة تراجع نفسك
تتأكد ان في حاجة حواليك ..حتي ولو مجموعة صغيرة ولازم تلاقي حاجة تشدك وتحمسك وتقولك ان ناقصلك حاجة ..لو مفيش اي حاجة من دول

هيوقف بيك الزمان “خبراتك ومعارفك وقدرتك و وعيك وادراكك” ..
وهايتحرك بيك الزمن “الوقت”…

انتقل إلى أعلى