مدونة أسود و أبيض

تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

ليه؟ محدش عارف

– فى ناس بتحب “وبتبقى هاتموت” وتعمل حاجات معينة بس “بتتكسف” ..اغلب الحاجات دى مش غلط .. بس بيتقال عليها “ميصحش” … ليه؟ محدش عارف
– الناس بتشوف الحاجة “اللى عايزة تشوفها” .. وانت تقدر تغير وتوصل الرسالة اللى “انت” عايز توصلها
– اغلب الناس – فى وطنا اللعربى اللى فوق او فى اوخر سن الشباب
معندهمش “Online Personal Brand” ممكن نقول انهم عملوا “Personal Brand” قوى اثناء حياتهم .. ودا حاليا سمّع معاهم اونلاين ..خليك دايما فاكر انك بتعمل حاجة “مفيش” قبلك كتير عملوها
– اى حاجة بتعملها بيبقى ليها “Opportunity cost” يعنى هاتختارها وهاتضحى باختيارات تانية
– مش مهم انك بتعمل اللى انت عايز تعمله او بتعمل اللى الناس عايزاك تعمله ..المهم انك تبقى واعى بكده ومبسوط بيه
– فى ناس كتير بتخاف من العيب اكتر من الحرام
– الحياة فى سبيل الله اصعب من الموت فى سبيل الله
– نادرا لما هتلاقى ناس حواليك “مستوعبة ومتقبلة” مبدأ الـ Paradigm Shift
– متسالش اى حد عن حاجة “على اى حاجة” غير لما تدور عليها الاول
– مفيش حد مبيغلطش … هاتلى ناس مشتغلتش على ويندوز واوفيس وبرامج من غير ما تكون “سارقة” السريل
– تغير التسمية بيريح الضمير ..دى حقيقة علمية
– انا مش بفكرك بحاجة غلط انا بعملها .. متاخدش الكلام على نفسك
– مش هاطلع اقول صباح الخير واغالط عقرب ساعتى
– اى حد بيحارب اى حاجة بتكسر فى مبأدئه
– محدش هايقتنع بكلامك وهو معندوش بديل
– التبرير لا دين له
– الجزاء من جنس العمل
– محدش مسئول انه يحاسبك
– متسألش حد فى مجال مش مجاله
– لو انت اللى اتسألت ..ارجوك متفتيش
– لما توضح حاجة للناس يا تقول مصدرها ..يا توضح ان دى وجهة نظرك ..متقولش “حقائق” منسوبة الى المجهول
– مش عيب انك تكون بتعمل حاجات غلط ..العيب انك بتكررها ومبتتعلمش
– النصيحة على الملأ …فضيحة
– مفيش حد بيعرف يتخد قرار صح وهو فى موضع الم
– التمس لاخيك سبعين عذرا
– كلامى ممكن يكون خرافات ..متعتمدش عليه
– ممكن تاخد بعمق الفكرة .. وممكن تشبع بالكام كلمة
– كل صح مكانه غلط … لاجل ما اقوى مناعتى منكم حقنت نفسى بنفس المرض
– متنشرش حاجة انت مش فاهمها .. متبقاش امعة.
– تبقى بتوهم نفسك لو فكرت ان الكلام اتفهم
– متحاولش تقنع حد بحاجة ..لو اديته الخيط اللى يكتشف بيه هايتغير
– ربك مبيصلحش من حال ناس مش بيتغيروا
-ربك خلق جوانا الفطرة اللى بتميز
– دينى بيكره الغلط …مش الغلطان بالاسم
– لو بتنشر حاجة علشان يجيلك “شير كتير” مش هايحصل .. ولو حصل مش هايتكرر
– الفكرة ان نص دينا ممكن يحمل معنيين والدليل امامنا الشافعي ساب لوحده مذهبين
– لما تتناقش هاتلى دليل ..لان دى وجهة نظرى ..زى ما انت هاتقول وجهة نظرك
– اى حاجة انا بكتبها بتبقى نابعة من فهمى وتجاربى ..لو تجربتك مختلفة ممكن تتناقش معايا ونتفق على بعض النقط ونختلف على بعضها …دى الحياة ..لكن مش من حقك تعترض على فكرتى …وانا مش مطالب انى اشرحلك انا بنيت رأىى بناء على ايه ..دا صفحتى مش صفحتك .. و البلوك هو الحل
– عزيزى السطحى سيب فلسفتى روح لسطوره الناعمة… يا جوكر.
– اوعاك تكون فاكر انى حابب وضع بشرحهولك ..لكن دا امر واقع انا يادوب بوصلهلوك
– عيش قوى ومقهور ..مش ضعيف محبوب ..كده كده هايكرهوك لما خيط “المصلحة” يروح
– من امتى عملوا حساب وقفة يوم الحساب,
دا اخوات يوسف فى قتله خلقوا لنفسهم اسباب
– ابعدهم عن طريقك وكمل المسيرة
– خافوا زمان قالوا لموسى حارب انت وربك .. وادينا بندعى نفس الرب بنفس النبرة
– انا مرض بقول انا مرض ..هو مرض بيقول انا علاج
– انا معنديش اجابة لتساؤلاتك ..انا لسه بدور على اجاباتى
– بحطم الاصنام اللى انتى عايشة بتعبديها .. علشان تتوبى
مش علشان تبنيلى واحد وتسجديله
– لقيت الناتج صفر…اسف لو ضيعت وقتك.

انتقل إلى أعلى