تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

ماتحبش

عزيزى الشاب المُقبل على الإرتباط بكافة أشكاله .. ماتحبش .
ماتحبش البنت إللي عارفة قيمة نفسها كويس جدًا وإللي عارفة ان قيمتها مش مُنحصرة في وجودك معاها وبس إللي شايفة انها مش وراك لا دي جنبك وجنبك قوي يعني .
البنت إللي مابتقتنعش غير باللي شايفاه يليق ليها وإللي لو كان رأيك غير رأيها عندها استعداد تناقشك من هنا للصبح لحد ما توصلوا لنقطة سوا ممكن تتفاهموا فيها .
ماتحبش البنت إللي مش شايفة ان الحب تضحية وانها الطرف الاضعف في العلاقة إللي لازم يبرر ويسمع الكلام ويتنازل عشان يريح الطرف التاني إللي هو انت .
ماتحبش البنت الصريحة إللي معترفة بغلطاتها جدًا ومُتصالحة مع نفسها بشكل يخُضك ، إللي ممكن تقولها مين فلان ؟! فـ تجيبلك الموضوع من الاول للاخر من غير ما تقولك انا عمري ما كلمت ولاد .
ماتحبش البنت إللي انت مش كاسر عينها ويوم ما تغلط وتتمادي ف غلطك ممكن تمشي هي عادي وتقلب الترابيزة ومتموتش ويجيلها تشنجات من فراقك وتعرف تكمل كويس حياتها من غيرك .
ماتحبش البنت المزاجية ، إللي كل شوية بحال إللي لو مكنتش فاهم مالها ؛ ممكن جدًا تقولك احنا مش نافعين مع بعض ، إللي ملهاش خُلق تحكيلك وانت ف الاخر ماتستوعبش .
ماتحبش البنت إللي عادي تكون مع صحابك وعادي متنكدش عليك عشان مكلمتهاش وعادي لما تزعل تديك مساحتك وتقولك انا هنا خلص وتعال .
ماتحبش البنت إللي شايفة حياتها مُرضية بالنسبة لها ، إللي مشّقلبتش الدنيا عشان خاطر سموك وحسستك انك عنترة ابن شداد .
ماتحبش البنت إللي عارفة نفسها كويس و إللي مابتغيرش ع الفاضية وع المليانة ، و بتتعامل بعقلها .
ماتحبش البنت المدغدغة عشان بتبقي عدت بليفل وجع عالي ممكن تأثير الشد والجذب بتاعك يكون مش نافع معاها ..
ماتحبش بنت بتعرف تقول لأ طالما مقتنعة بالعكس وتنفذه عادي جدًا .

عزيزى الشاب السطحى المريض بمتلازمة المجتمع و الناس و ” الأنا ” و مابتحاولش تستوعب انك هتعيش مع انسانه مش مجرد واحدة تابعة ليك لاغية عقلها و شخصيتها ، حِب واحدة تقولك حاضر ونعم ف الانجاز بدل ما تاخد واحدة بشخصية وتحولها لمسخ بس

https://www.facebook.com/mu.bakr/posts/899123756842464

انتقل إلى أعلى