تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

ماترتبطش بحد انت سابقه في لعبه الحياه بكتير!!


ماترتبطش بحد انت سابقه في لعبه الحياه بكتير!!
يعني ماتبقاش انت في ليفل الوحش وهو لسه باديء اللعبه .. هتتعب.

مقصدش ب الليفل انك وصلت او بقي معاك فلوس اكتر او اترقيت في شغلك… الليفل اللي اقصده هو تجاربك وخبراتك في الحياه انت شوفت كتير واتخبطت واتالمت واتهزمت كتير.. وهو لسه يادوب بيكتشفها !!

مهما تحكي أو تشرح عمره ما هيفهم او يحس حتي لو بيحبك و مهما كانت الحرب بتاعتك هايفضل شايفها بعينه وخبرته هو الي علي قدها ومهمها سامحك او ادالك اعذار عن انشغالك هتبقي في عينه مقصر .

الحب مهم لكن مش كفايه
الخبره والتجارب ووجهات النظر والحرب المشتركه تكسب.

– اندرو بطرس

“من فترة حد اكبر مني قالي كلام شبه كدة .. قالي لما تيجي تدور علي حد يشاركك مشوار حياتك بص علي تراك حياته .. دور علي الي اختار تراك وجرى عليه وسف التراب فيه ويكون تراك قريب وشبه تراك حياتك .. لكن متاخدش حد لسا بيبدأ فا ساعتها .. ها تيجي عليه وتسحله وراك وانت بتجري علشان تجريه معاك علي سرعه اعلي من قدراته بكتير وهتعورة بشكل أو بآخر .. أو تيجي علي نفسك وتتبط جنبه وتتنازل عن كل حاجه انت في يوم حاربت فيها ومن أجلها علشان خايف عليه من سرعتك .. في الحالتين حد هيخسر .
الحياه شرسه ومعاركها مخيفه مش شغل افلام
دور علي الي تكون مطمن وهو واقف جنبك ⁦⁦”⁦💪🏾⁩

ماترتبطش بحد انت سابقه في لعبه الحياه بكتير!!يعني ماتبقاش انت في ليفل الوحش وهو لسه باديء اللعبه .. هتتعب.مقصدش ب…

Posted by Hany Ghaly Elawaidy on Tuesday, March 10, 2020
انتقل إلى أعلى