تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

ماتزعليش

لما تحبى واحد .. و يبقى كل حاجة فى حياتك .. و تخلصيله .. و تشوفى كل رجالة الدنيا فيه .. و يملى عينك مهما كانت عيوبه .. مع إنه بيملى بيكى فراغ غيرك و بيجرب يشوفك هاتنفعى و لا لأ و طول الوقت بيقارنها بيكى .. و تستحملى .. و فى الأخر تخسرى .. ماتزعليش
فكرة المقارنة بتتعب صاحبها أكتر من أى حد تانى .. هو اللى مش لاقى الكفاية .. هو اللى مش لاقى الراحة .. هو اللى بيدور على سراب مش موجود .. هو اللى بيحاول يداوى فى جرحه بأى طريقة و مش عارف .. هو اللى مش عارف ينسى .. هو اللى مش عارف يكمل .. هو اللى تعبان و مفشوخ فى نافوخه و أفكاره و مشاعره مش إنتى .. هو اللى فيه حتة ماتت و مش عارف يحييها .. عالأقل إنتى كنتى عارفة و متأكدة من اللى إنتى عايزاه .. هو اللى تايه و متلخبط و بيخبط على أى باب يلاقيه فى وشه و لسة مش لاقى اللى هو عايزه .. و فى الأغلب .. هايعيش و يموت مش لاقيه ..!!

https://www.facebook.com/Mera.El.Gohary/posts/10154020140526438

انتقل إلى أعلى