مدونة أسود و أبيض

تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

مبدأ اللي تقدر تقوره وتحشيه..احشيه


هو اللي خد ورق الملوخية وقرر يخرطه وشاف ورق العنب والكرنب وقرر يحشيه رز وشاف ورق الشاي وقرر ينشفه ويغليه ويشرب ميته .. ياترى كانت إيه وجهة نظره؟!،فين المبدأ؟.. فين المعادله يعني اللي عوض فيها؟!.. يعني ليه خدنا ورق العنب وسيبنا ورق التوت،ليه شربنا الشاي ومحدش جرب ينشف ورق البقدونس ويغليه ويبقى مشروب شعبي بعد اكلات المشويات مثلاً؟،وهل لو خدت ورق من الزرع اللي قدام العمارة بشكل عشوائي وغليتُه،هل هاوصل لحاجة؟،وهل فيه حاجات تانية ماتحشتش مع انها كانت هاتبقى ألذ كتير ولكن احنا اللي اصبحنا مكسلين وكل واحد بقى ماشي باصص في موبايله ومش فاضي البيه يتعب نفسه ويدوق م الشجر اللي حواليه زي ما الجيل القديم كله كان بيعمل لحد ما خلاص المحشي بدأ يبقى موضة قديمة،وليه ورق العنب مش هو اللي اتنشف وإتغلى؟ مش كان زمانا بنقول إعملي كوباية ورق عنب مظبوطه بالنعناع وكانت هتبقي ألذ؟!..ثم يعني ايه نبقى ماشيين لسنين وسنين بمبدأ ان اللي تقدر تقوره وتحشيه رز ماتترددش في انك تعمل كده ايا كان هو ايه،ده قانون هايعود علينا احنا نفسنا كلنا بالضرر اكتر من البتجان الاسود،الانسان حبيبي دلوقتي خلاص ماينفعش يكمل بريسك زي ده.

هو اللي خد ورق الملوخية وقرر يخرطه وشاف ورق العنب والكرنب وقرر يحشيه رز وشاف ورق الشاي وقرر ينشفه ويغليه ويشرب ميته …..

Posted by Hany El-Feki on Monday, December 2, 2019
انتقل إلى أعلى