تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

محمد صلاح و أحمد السقا و شيكابالا

ال ٣ دول بيمثلوا لي نماذج في غاية الأهمية في الحياةالنموذج الأول هو محمد صلاح، أبو مكة
موهبة خالصة و لاعب مهاري عنده إمكانيات عالية جداً
بس هل دول لوحدهم كفاية ؟!
الحياة بتقولنا و بكل تأكيد لأ
صلاح عنده الي أهم من الموهبة و الي عمل منه النجم الكبير الي احنا شايفينه
عنده الإرادة و الإلتزام commitment
عنده هدف حاطه أدام عينيه و بيجري وراه بكل قوته و ما بيوقفش لحظة objective

عنده ال Attitude الصح الموجود عند كل الناجحين

عنده الإصرار و العزيمة Determination, perseverance

عنده القدرة على التعلم المستمر و السعي للتفوق Learning agility

و ممكن نضيف عليهم التواضع الشديد و البعد عن الأمور الجدلية و الإلتحام في أمور ممكن ببساطة تعمله Distraction عن هدفه الحقيقي
بيسمع كلام المدرب و بيتعلم منه
بإختصار، صلاح هو النموذج المثالي للنجاح و الناجحين

النموذج التاني، أحمد السقا
شخص متوسط الموهبة جداً، نقدر نقول Mediocre
بس هو ما استسلمش لده و عافر و اجتهد
أي حد يعرف أحمد السقا عن قرب عارف أد إيه هو شخص مجتهد جداً و بيحب شغله و بيخلص ليه
و ده عوض ضعف الموهبة و خلاه من نجوم الصف الأول و شخص ناجح جداً بكل مقاييس النجاح
بغض النظر عن حبك أو كرهك له
بغض النظر إنك بتشوف أعماله ولا لأ
بس هو بدون شك ناجح و أعماله بتنجح و عمل إسم و تاريخ
و ده لإنه اجتهد و تعب

النموذج التالت، شيكابالا
واحد من أكتر اللاعبين في تاريخ مصر مهارة
حريف بجد
بس شخصية جدلية
بتاع مشاكل
مش ملتزم
متمرد
ما عندوش هدف و ما عرفش يستغل مهاراته الجبارة دي في انه يعمل لنفسه تاريخ
و كانت النتيجة الي احنا شايفينها
لاعب بدون إنجازات مع إن امكانياته كانت تؤهله يكون في مصاف اللاعبين العالميين

و في نفس النموذج ميدو
احترف و هو لسه طفل و جاتله اكتر من فرصة في اكبر الأندية الأوروبية
في وقت من الأوقات كان أغلى لاعب عربي في أوروبا و انتهى به الحال انه عرض نفسه للبيع بواحد يورو و ماحدش سأل فيه و اعتزل بعدها
شيكابالا و ميدو كان عندهم الفرصة للتألق و يحفروا أسماؤهم في التاريخ
الي عمل الفرق كان ال Attitude
هو ده الي كان ناقصهم

ال ٣ نماذج دول بيجاوبوا عن السؤال الأزلي
احنا بنختار الموظفين ازاي ؟!
Do we hire for skills or attitude?!

أنا و بكل ثقة في كل المواقف كنت باختار ال attitude

و عندي بدل المثال ١٠ على ناس عينتهم عشان ال attitude و هم ما عندهمش خبرة ولا مهارات و أصبحوا نجوم في الشركة

المهارات بتتعلمها
ال negative attitude بيدمرك و يدمر بيئة العمل

لو الاتنين اجتمعوا يبقى انت من القلة المحظوظة في الدنيا
بس لو لازم تختار يبقى بدون تردد تختار ال attitude و ما تفكرش
اَي حاجة تانية ممكن تتغير و ممكن تتعلمها

دايماً دور على ابو صلاح و خليه اختيارك الأول و لما تلاقيه حافظ عليه، ده جوهرة
لو ما لقتش يبقى دور على السقا، هيتعلم و هيبقى نجم
و أوعى تفكر في يوم تعين شيكابالا أو ميدو مهما كنت منبهر بمهاراتهم و إمكانياتهم، دول قنابل موقوتة قابلة للانفجار في اَي لحظة

مع كامل احترامنا للأشخاص و محبيهم و المتحيزين لهم
#Mo_Salah
#Attitude

 https://www.facebook.com/photo.php?fbid=10155222758561121&set=a.10151119258206121.418768.720501120&type=3&theater
انتقل إلى أعلى