تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

مرحله Anti-هري

فيه مرحله اسمها Anti-هري بتيجي في أواخر التلاتينات كده ، لما طاقتك علي الهري تنتهي خالص ، ولذة انك تقنع اللي قدامك بوجهة نظرك تموت تماما، وييجي مكانها لذة Who cares ؟، هستفاد انا ايه لما انت تقتنع باللي في دماغي؟ دماغك وانت حر فيها، ووجهة نظرك بردو شيء ميهمنيش ، هتلاقيني بسمع منك كويس قوي علي فكره ، بس لما تلاقيني مش مقتنع باللي سمعته متحاولش بقي تقنعني عشان مش هجادل، ولو حسيت بالهري هيبتدي هتلاقيني سيبتك ومشيت، ولو لقيت هري اشتغل عندي علي شات او علي بوست مش برد، مش عشان مش بحترمك لا سمح الله، لا انا حقيقي معنديش طاقه أهري، ومعنديش استعداد اضيع وقت في هري ممكن اضيعه في شيء مفيد زي اني ألتهم طبق كريب بالنوتيلا والموز والفراوله تعتليه قطعه من أيس كريم الڤانيليا وعلي جانبه كاس من الشوكلاته السايحه للسقسقه في وقت الغروب والسماء تصطبغ باللون البرتقالي الداكن، من أنت وكم تساوي قيمة الهري معك أمام هذه اللحظه الكونيه؟

فيه مرحله اسمها Anti-هري بتيجي في أواخر التلاتينات كده ، لما طاقتك علي الهري تنتهي خالص ، ولذة انك تقنع اللي قدامك…

Posted by Hesham Abdel Mohsen on Saturday, April 15, 2017

انتقل إلى أعلى