تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

مشكلة المبتدئين الاساسية


اغلب الناس اللي لسه بتبدأ في اي مجال ..مشكلتها الاساسية هي الثقة بالنفس
مش واثقين انهم بيجربوا فمن حقهم يغلطوا
مش واثقين انهم ممكن يعملوا الحاجة صح جدا من اول مرة
دايما شايفين ان مديرهم/زمايلهم احسن منهم
لو حد شجعهم في الاول بيقولوا عليه بيجاملهم
لكن لو حد انتقدهم ..يبقي عنده حق ..اصل انا “لسه جديد”
حتي مش بيقول اصل انا بتعلم ..لا ..بيقول اصل انا لسه جديد او معنديش خبرة
الفكرة ان اغلب الناس اللي بتنجح في حياتها بتعتمد علي “تعب وشقا” او “علاقات بتوصل”
وفي الاغلب العلاقات بتنجح اكثر عدد ممكن من اللي نجحوا
لكن بما اننا مش بنعترف بكده ..فبنداري ده باننا نهاجم اي حد بيعمل حاجة جديدة ونقوله ..اصل انا بعلمك
عادي جدا انك تبقي بتعمل حاجة جديدة عليك او اول مرة تعملها ..وتعملها احسن من مديرك
والله عادي وبتحصل كثيييير

انتقل إلى أعلى