مدونة أسود و أبيض

تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

مشكلة جيلنا هي الinsecurity

المشكلة الأكبر اللي مسيطرة علي جيلنا هي الinsecurity

الinsecurity في الفلوس
كل ما حد بيتقدم خطوة بيرجع اتنين، مع فروق العملة و القوانين اللي بتطلع كل يوم و التسريح من الشركات اللي بقي كل شهر و غيرهم

الinsecurity في البيوت
كل يومين إتنين بنعرفهم بيتطلقوا .. إنفتاح زيادة جدا جدا في الشغل بيحرك الخطوط الحمرا و بيؤدي طبيعي جدا لخيانات، و over exposure مع معايير مش حقيقية بتتحط تشقلب العقول و التطلعات تخلي الناس تبعد عن الواقع، مع ضغوط الشغل ع الاتنين خلت الحياه كلها متنشنة ٢٤ ساعة

الinsecurity في الدين
إتهزت صورة رجل الدين لما قرر يعك في السياسة و بقي الفشل السياسي قصاده فشل ديني عند المتلقي خلي كل الثوابت اتهزت، و دي نقطة الكلام فيها كتير قوي عن السطرين دول.
ده غير بقي انتشار الفتن في دوايرنا و قربها مننا بعد ما كانت بعيدة و بنبص لها من بعيد علي إنها حالات شاذة، بقينا فاهمين دلوقتي كويس قوي معني إن محدش كبير عليها

الinsecurity الإجتماعي
زمان كان تحقيق النجاح أو الself accompaniment بيبقي أسهل بكتير قبل السوشال ميديا ما تشقلب المعايير كلها و يبقي كل الأفكار الهدامة من أحكام و سخرية و تعرية و معايير مزيفة قدام عين الناس يوميا، و بقي إسقاط الشخص أسهل ما يكون بهاش تاج أو viral post يلف يجيبه الأرض في يومين

لو بصينا هنلاقي إن كل واحد فينا عواميده اللي مثبتاه هما الكام حاجة اللي فوق دول، استقراره الديني و المادي و العائلي و الشخصي ، و نلاقي ان كلهم مهزوزين ، يبقي محتاجين نعمل حاجة .. معرفش إيه الحقيقة بس محتاجينها قوي

المشكلة الأكبر اللي مسيطرة علي جيلنا هي الinsecurity الinsecurity في الفلوس كل ما حد بيتقدم خطوة بيرجع اتنين، مع فروق…

Posted by Nora Samir on Sunday, October 14, 2018

انتقل إلى أعلى