مدونة أسود و أبيض

تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

مشهد ١

مشهد ١:
بتحصلك مشكلة..
– محدش بياخد باله
– محدش بيتصل يسأل
– محدش بيلاحظ حاجة
– محدش بيعرف عن الموضوع

مشهد ٢
بتاخد تصرف بناء علي خبراتك
– طيب مكلمتناش ليه
– طيب انا لو كنت عرفت كنت عملت..وعملت..عملت..
– لو كنت قلتلي كنت كلمتلك فلان وعلان

مشهد ٣:
التصرف اللي اخدته والتجربة اثرت عليك وغيرت فيك
– انا مش عارف انت ازاي بقيت كده
– هو انت ليه بتعمل معانا كده
– ايه ده، هو احنا عملنا حاجة واحنا مش واخدين بالنا

كااااات ..هايل يا فنان ..جهز نفسك لمشهد ١ مكرر.

مشهد ١:بتحصلك مشكلة..- محدش بياخد باله- محدش بيتصل يسأل – محدش بيلاحظ حاجة – محدش بيعرف عن الموضوع مشهد ٢ بتاخد…

Posted by Karim Soliman on Monday, February 15, 2016

انتقل إلى أعلى