مدونة أسود و أبيض

تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

مش كل واحد أخد خطوة يحتقر باقي البؤساء اللي مخدوش خطوته


– واحد فتح شغله الخاص، بقى شايف كل الناس كوربريت سلايفز بائسين.
– واحد اتعلم علوم شرعية، من ساعتها بقى شايف كل الناس جهّال هالكين.
– واحد حوّش وسافر، من ساعتها بقى شايف كل اللي مبيسافروش ناس كئيبة.
– واحدة اتحجبت حجاب كويس، من ساعتها بقيت شايفة كل البنات التانية أقل منها.
– واحد ربنا كرمه ووفقه يبطل تدخين، بقى شايف كل اللي بيدخنوا عبيد للسجاير.
– واحد اتعلم لغة تانية وتالتة، بقى شايف كل عديمي الأكسنت ناس جهلة فشلة.
– واحد بنى نفسه بنفسه، بقى شايف كل اللي أبوه ساعده في بداية حياته فرفور.
– واحدة عرفت تعمل دايت وتخس، بقيت شايفة كل التانيين معندهمش عزيمة.
– واحد بيعمل عمل تنموي، بقى شايف كل الناس سلبيين مبيعملوش حاجة مفيدة.
– واحد سافر يتعلم، بقى شايف كل اللي مسافروش يتعلموا أكيد حمير مبيفهموش.
– واحد عمل مكان تعليمي، بقى شايف كل اللي مبينشروش علومهم بخلاء أنانيين.
– واحد قال كلمة حق، بقى شايف كل الساكتين عبيد للحاكم وأكل العيش.
———
يا ريت يا خوانا بالراحة على نفسنا شوية، ومش كل واحد أخد خطوة في مجال يحتقر باقي الناس البؤساء اللي مخدوش خطوته، أولا لإنهم يمكن يكونوا بياخدوا خطوات فعلا من غير ما يتكلموا، وثانيا علشان كل حاجة من دول محض كرم من ربنا سببلنا أسبابه ولو شاء لأعطاه لغيرنا؛ فبالراحة على نفسنا كدة ونستهدى بالله الله يهدينا.

وثالثاً عشان الطريق مش واحد، ربنا خلقنا مختلفين ودي من رحمة ربنا بالبشرية ❤️

https://www.facebook.com
/ahmad.elsibai/posts/2616773225057074

انتقل إلى أعلى