تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

مش “مديوكر”

بعد مرور ٨ سنين من بداية كاريري؛ أقدر أوصف نفسي بإني في هذا المجال “شخص average”. وأنا فرحان بده وفخور بيه. وبشكر -من قلبي- كل حد ساعدني إني أوصل ل الليفل ده.

كوني إني (أحمدك يارب) مش “مديوكر” وعندي السينس والمعرفة الأساسية المتنوعة اللي مأخدتهاش بالمعلقة، بل اكتسبتها بنفسي بالتزام ومسئولية وبذل كل جهد ممكن ده شيء مخليني فخور بنفسي.

خلال السنين اللي فاتت ديه كلها أنا مجريتش ورا الفلوس ولا التايتل. أنا كنت شخص passionate بحاجة ومكنتش أعرف my limits .. وكنت بحرق بنزين وازق نفسي جامد لقدام واجري أسرع ورغم ان بيبقى عندي أفكار سلبية كتير عن ال my limits في كل لحظة سواء مصدرها كان توجيهات وأفكار واراء اللي حواليا أو من جوايا، لكني كنت بتخطاها وبكتشف مناطق كتير جدا عمري ماكنت أتخيلها عن نفسي وعن الدنيا.

كل ده حصل وبيحصل رغم معرفتي التيكنيكال القليلة أحيانا والمش موجودة أصلا في أحيان أخرى قصاد حجم أكبر من الhard working والownership والرغبة في الانجاز. عشان كدة لو عملنا قايمة بأكتر ٥٠ thought leaders في مجالنا أكيد طبعا مش هاكون منهم واللي يقول كدة يبقى مديوكر ومش فاهم. Mic dropped.

الكنز مش إن الواحد يوما ما أتصدر القايمة، الأفكار الطفولية ديه زرعتها فينا الدراسة والجامعة، وللأسف مبقتش مؤمن بيها. الكنز فعلا في الرحلة. أنا مش عايز أستريح، وعايز أفضل طول عمري في رحلة جري متواصلة، وأعيش أكتشف أكتر وأتعلم أكتر وأقدر أأثر في حياة ناس أكتر معرفهومش ولا يعرفوني وأخللي حياتهم أسهل وأفضل.

لو هاقولك نصيحة واحدة من خلاصة خبرتي فهي إن النصايح والخلاصات أصلا بتجيلك من ناس عايزينك تبقى شبههم، وأنا عايزك تكون نفسك مش زي أي حد. استمر في pushing yourself وماتخليش حد يرسملك خطوط أو حدود مهما كنت بتحبه وشايفه شخص ملهم، خللي إلهامه ماياخدش أكبر من حجمه، وجرب، واقع، وقوم، وقاوم، واندم، واتعلم أكتر، وافرح بكونك hard worker و average وبني ادم عادي عنده vulnerabilities وشايفها ومتقبلها وعايش معاها وبيصلحها. اللي شايفين نفسهم the most intelligent guy in the room دول أسرع ناس -كما أثبتت التجارب يعني- بترمي نفسها من فوق الجبل.

مرة تانية، شكرا لأي حد اشتغلت معاه، وكان من حسن حظي اني قعدت جنبه على الكرسي واتعلمت منه.

بعد مرور ٨ سنين من بداية كاريري؛ أقدر أوصف نفسي بإني في هذا المجال "شخص average". وأنا فرحان بده وفخور بيه. وبشكر -من…

Posted by Muhammad Omar on Friday, March 2, 2018

انتقل إلى أعلى