مدونة أسود و أبيض

تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

مصفوفة القطيع: عن التكيف معها او الخروج منها

لا بندرس اللي بنحبه..لاننا متعلمناش ازاي نختار ندرس ايه، والاهم هاندرسه ليه
ولا بنفهم اللي بندرسه..لاننا مش حابينه، ولان اللي بيشرحه مش فاهم طرق توصيل المعلومة صح
ولا بنشتغل باللي درسناه..لان التميز بيجي من الفهم والتكرار لدرجة التمكّن
ولا بنحب اللي بنشتغله..لان الاختيارات كلها شبه بعض واحنا مأخدناش وقت كافي نفهم نفسنا ونجرب كتير علشان نعرف ونتأكد احنا عايزين ايه
الناجح فينا اللي بيعرف يتعود..اللي بيتكيف مع كل مشكلات الطريقة دي ويؤمن و يدافع عنها، ويهاجم اي حد بيفكر او بيتناقش فيها او بيحلل اسبابها
او اللي يعرف يقلب الترابيزة.. اللي بيستوعب ان قلب الترابيزة مبيجيش في خطوة واحدة، لازم تفكر وتجرب حاجات كتير، لازم تؤمن ان اهم اساسيات قلب الترابيزة معتمدة “في الاول” علي المشي مع القطيع لحد ما تؤمن بدائل تسندك في اول كام وقعة،لازم تتعود علي تحمل المسؤلية وتؤمن بالخطوات وتوثيقها وتحليها اهم من فرحتك بالنتيجة، لازم تغير الحاجات الصغيرة اللي ينفع تغيرها من غير ما تتهاجم منهم، لحد ما تقدر تتحدي مفاهيم كبيرة وتكون اتدربت وبقي عندك القوة الكافية انك تقدر تقلب الترابيزة.

انتقل إلى أعلى