تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

معلش اصله غلبان ومش فاهم

معلش اصله غلبان ومش فاهم، فخليها عليك؟
مين الحمار اللي قال ان الفهم بيلغي الالم
اللي فاهم بيتوجع زي الغلبان اللي مش فاهم، ويمكن احيانا بيتوجع اكثر من ناحية عمق الوجع لانه فاهم كل ابعاده، وبيتوجع اكثر من حيث عدد المرات اللي بتحصله واللي ممكن تعدي عادي علي حد “مش فاهم”

فلو كلنا تعبانين وعندنا قصور في اجزاء كتير، لازم كلنا نشجع بعض عن “وقف الأذي اللي بيحصل لنا، خاصة لما منبقاش عملنا حاجة غلط”
مينفعش ابقي بجتهد وأبذل طاقة عندي علشان اساعد الناس و مأذيش حد ويجي حد “خاصة” لو من اللي كنت بحاول أساعدهم ويأذيني والمفروض أفضل مستحمل أذاه – سواء بقصد او بدون قصد – وأفضل ساكت ومستحمل الاذي علشان هو غلبان ومش فاهم

احنا في توقيت صعب علينا كلنا، فخلي دائماً الاولوية انك تنجي بنفسك … و لو قدرت تساعد حد ساعده…حتي لو مساعدتك ليه هاتبقي زي موقف “المنقذ” في البحر اللي شايف حد بيغرق وبيلطش فسابه لحد ما يخلص تلطيش ويبطل حركة خالص وبعدها سحبه للشط، لكن فكرة انه مش فاهم وبيلطش وممكن لو حاولت تساعده يغرقك معاه او يغرقك وينجو هو دي فكرة مرفوضة تمام

انتقل إلى أعلى