مدونة أسود و أبيض

تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

مفيش سعادة من غير رضا

خلينا متفقين مفيش سعادة من غير رضا , لازم تبقي راضي عن نفسك وعن حياتك علشان تقدر تضحك أو تبتسم وتقول الحمد الله وتسمع صداها في قلبك , فكرة الرضا بقت بتموت في القلوب يوم بعد يوم لدرجة ان النهاردة تلاقي كل الناس بتشتكي اللي معاه واللي معهوش اللي عنده واللي علي الله كله بيشتكي مهما كان يملك حاسس دايما ان لسه ناقص كتير الغالبية بقت بتشوف الناقص وبتنسي الموجود , حتي اظهار النعمة بقينا بنخبيه خوف من الحسد وشكر النعم بقي شئ نادر , في مبارزة في الشكوي وتعداد المشاكل وكاننا في بطولة هيكسبها اللي بيشتكي أكثر واللي عنده مشاكل اكثر , كلمة معلش مبقتش طبطبه ومبترديش حد , بقي في نماذج للنجاح والجسم المثالي والايف ستايل و الاكل الصحي … الخ ومحدش بقي عاجبه حالة , انفتاح المجتمع والسوشيال ميديا خليتك تشوف اللي مش عندك وتشوف احلامك سهلة في ايد ناس تانية و مع الوقت الناس نسيت اللي بتملكة ونسيت عبادة الشكر وبقت مركزه في الناقص بس وعنيها بتشوق الوحش وبتسمع السيئ وتركز علي اللي يهدم وتدور علي شماعات … المشكلة الحقيقة ان الغالبية العظمي من الناس مش هتقدر تملك كل حاجة ولا تحقق المثالية الكاملة في حياتها , وبما ان الكمال لله وحدة والرضا مفتاح السعادة والزيادة مرتبطة بالشكر مشاكل الناس هتزيد يوم بعد يوم والشكوي هتزيد ومحدش هيبقي مرتاح طول ما هو في الدايرة دي , ياريت نفوق ونعيش حياة حقيقية .

– الشكوي لغير الله مذله .
– الرضي لمن يرضي .
– وان شكرتم لازيدنكم .
– ان الله يحب ان يري صبغة نعمتة علي عبادة .

#شريف_سعيد

خلينا متفقين مفيش سعادة من غير رضا , لازم تبقي راضي عن نفسك وعن حياتك علشان تقدر تضحك أو تبتسم وتقول الحمد الله وتسمع…

Posted by Sherif Saied on Saturday, October 13, 2018

انتقل إلى أعلى