تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

مقياس الحب هو الصبر

أمبارح واحنا على الاكل كنت بهزر فبقولهم انا عارفة انتوا بطلتوا تحبونى كلكم وضحكنا كلنا ..لاقيت بابا كالعادة فجأنى بسؤال غير متوقع ..
=طيب وايه هو مقياس الحب من وجهة نظرك !
قولتله مش عارفة ،فى حاجات كتير
=طيب قولى حاجة !
قولتله مفيش حاجة محددة ،ممكن نقول الثقة !
فبابا رد وقال.. مقياس الحب هو الصبر 🙂
مقياس حب ربنا لعباده هو صبره عليهم لما يبعدوا عنه ويغلطوا ويرجعوا يندموا فيتوبوا فيسامحهم ..
ومقياس حب العبد لربه هو الصبر على الابتلاء والمشقة فى الدنيا وعشان كدة ربنا قال “وَاسْتَعِينُواْ بِالصَّبْرِ وَالصَّلاَةِ وَإِنَّهَا لَكَبِيرَةٌ إِلاَّ عَلَى الْخَاشِعِينَ” ..عشان عارف ان مش اى حد هيقدر على الصبر غير المؤمن المحب لله ..
ومقياس حب الاب والام لعيالهم ..صبرهم على عناء تربيتهم و عنادهم ومشاكلهم وتعبهم وكل حاجة بيعملوها عشانهم …
ومقياس حب الحبيب لحبيبه ..الصبر على بعض وعلى الخصام والبعاد والهجر والجفا لحين القرب واللقا..
ومقياس حب الصديق لصديقه ..الصبر عليه فى ضيقته وزعلهم سوا وانه يلتمس مليون عذر ..والصبر عليه فى الحزن والشدة قبل الفرح ..
فمتى وُجِد الصبر وُجِدت المحبة 🙂 !
وكالعادة الابتسامة كانت على وشى والصمت هو الرد المناسب

https://www.facebook.com/00.00.01.AM/posts/1780508428931130

انتقل إلى أعلى