تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

من حقك تستمع لشيطانك

تجربة جميلة بنمر بيها فى حاجات كتييييييييير فى حياتنا..بتسمع فيها كلام بتقوله لنفسك من نوعية:
-انت اللى بتعمله ده الصح
-انت بتعمل توعية للناس
-انت مش عايز حاجة غير هداية الناس
-انت بتعمل خير
-انت بتحارب الفساد
– انت مشفتش الناس التانية بتقول ايه
-هاتسيب الناس الكويسة بتحارب لوحدها
-الموضوع مش محتاج مجهود انت هاتكتب بوست
– الكلام اللى مكتوب ده بيعبر عنك..اعمله شير بس
-لازم تبقى ايجابى وتبطل سلبية
-حرام عليك اللى بيحصل فى الناس
– ربنا هايحاسبك انك كنت عارف ومتكلمتش
– اللى انت بتعمله ده ابسط الايمان
– مش هاتفتكر من الحديث وغير ومن لم يستطع فبلسانه
-اللهم بلغت ..اللهم فأشهد
-عاجبك اللى بيحصل ده
-خيركم للناس انفعكم للناس
-مش عايز تشارك فى كتابة التاريخ
– مترجعش تندم بعد كده
-لو هاتقدر تتحمل اللى هايحصل ..ذنب الناس الغلابة ايه
– حب لاخيك ما تحب لنفسك
-هاترجع للذل تانى
-على الاقل يبقى عملت اللى عليك
-هاتروح من ربنا فين
-ذنب الناس دى فى رقبتك
-سيبك انت..مش عايز تتشهر والناس تعمل لايكات وحركات
-بزمتك منفسكش فيها
-انت مبتشفش الناس اللى مبتفهمش فى الموضوع وبتكلم بيحصلهم ايه
-متقولش انك مش نفسك تبقى زيهم
-يا كدااااااااااااب
-قل هل يستوى الذين يعملون والذين لا يعلمون
-انت اللى بدأت الموضوع
-الناس كلها مكلمة الا انت
-نظرة المجتمع
-الدين قال ايه
-بلاش تعملها بالشكل ده
-ما انت لازم تعمل حاجة
-بس دا ثوابه اكبر
-التغير ..التغير..التغير
-طيب جرب بس
-لو معجبكش وقف
-انت بتعمل الموضوع بمزاجك اصلا
-ما تنجز يا عم
-بقولك ايه متخنؤنيش
-حسبى الله ونعم الوكيل فيك
-شيل بقى ذنب الناس
-على فكرة ينفع تعمل رسالتين فى نفس الوقت
-لو مش مكتوبلك تعمل كده مكنش الموضوع هايجيلك بسهولة كده
-افتكر انك مخير ولست مسير
-متحلمش بفرصة ذى دى تانى

اتمنى تكونوا بتستمتعوا بحديثى مع شيطانى…دى اكتر الحاجات اللى بقولها لنفسى..واللى شايف انها كلها برضه خير..بس من وجهة نظر سطحية جدا.
لو اللى هاتعمله مش هو ده رسالتك فى الارض..لو مش واثق ان ربنا استخلفك فى الجزء دا
والنقطة دى بالتحديد فى التوقيت ده بالتحديد
متعملش الموضوع ده ..لان ببساطة انت هاتسيب دورك..وهاتعمل دور حد تانى ..يمكن لو مكنتش روحت كان هو راح مكانه وعمله بشكل افضل منك ..لكن لانك وقفت مكانه ..هو راح وقف مكان تانى ..وانت بما انه مش موضوعك فمعملتوش كويس..وكانت النتيجة ..اعمار للارض برضه ..بس بطريقة جديدة وغير مطلوبة

اما لو انت لسه بتدور انا رسالتى ايه اصلا فى الدنيا
ودى غير “انما خلقت الجن والانس الا ليعبدون” لان دى الرسالة العامة

من حقك تستمع لشيطانك..فهو يدعوك للخير

انتقل إلى أعلى