تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

ناس مهضوم حقها في الدنيا

فيه ناس مهضوم حقها في الدنيا دي
يعني مثلاً اللي إكتشف إن البانجو بيعمل دماغ…ده لف كام حاجه قبلها؟..شد كام حزمة جرجير وكام رابطة كزبرة لغاية ما وصل له؟

والتبغ نفسه..مين فكر إنه يجيب الورق ده، ويلفه ويولع فيه ويسحب الدخان على صدرة…وبعد ما عمل كده، وأكيد كح وإتفشخ، فضل برضه مصر إن الموضوع هياكل مع الناس؟

مين الحيوان اللي لما شوية بن وقعوا في مية، وتحول لون المية لبني خراوي، أصر إنه يشربها برضه..بني آدم حقيقي مقرف، بس خدم البشرية.

مين لما السمك باظ منه، وريحته عفنت..برضه أكله..ومش بس كده، عمله عيد، وبقت الناس كلها تاكل سمك بايظ زيه وبقى إسمه فسيخ؟

مين لما لقى طوبه مدورة، قرر إنه يكسرها، وياكل اللي جواها؟..ولو عمل كده مع الفزدق والبندق، هل فضل يعمل كده مع اي طوبه يلاقيها في سكته؟

مين قرر إن السائل الأصفر اللزج اللي النحل بيتبرزه، ده غذاء مناسب جداً…وحاجه لطيفه إنه يحطها في بقه، بالشمع بتاعها، بالنحل اللي فيها؟…ويا ترى حط كام حاجه صفرا قبلها في بقه لحد ما وصل لده؟

ويا ترى فيه كام حاجه لسه ما إكتشفنهاش عشان لسه ماحدش حطها في بقه وجرب، أو لفها في سيجاره وشد منها نفسين؟

فيه ناس مهضوم حقها في الدنيا دييعني مثلاً اللي إكتشف إن البانجو بيعمل دماغ…ده لف كام حاجه قبلها؟..شد كام حزمة جرجير…

Posted by Mostafa Helmy on Tuesday, November 25, 2014

انتقل إلى أعلى