تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

هو ينفع تفهم شئ لدرجة إنك متعرفش تشرحه؟

هو ينفع تفهم شئ لدرجة إنك متعرفش تشرحه؟
ولا يمكن من كتر المعطيات، حاسس إنك لو إتكلمت مش هتوفى فهمك “للشئ” حقه؟
ولا يمكن خايف تاخد من اللى قدامك فرصته فى إنه يقطع رحلة حلوة زى رحلتك؟
ولا يمكن ده مش فهم”حقيقى عميق”؟ يمكن يكون زيادة وعى مفاجئ؟ فلخبطك؟ يمكن يكون مجرد خطوة على الطريق؟

بس ما الوعى بيفضل يزيد “لو إنت مقرر ده وعامله خطة وتقييم طول الوقت”، إمته هتقرر إنك فهمت الحاجة دى؟ وبعدين لو فهمت الحاجة دى أصلاً، هتتبسط بالوصول؟ ولا دايمًا الطريق أمتع؟

ولو الطريق دايمًا أمتع، صح تقرر تموت على الطريق؟ كل ما تقرب توصل، تتلكع أكتر فتفضل فى الطريق؟ عشان تتبسط بالرحلة أكتر؟

إحنا مخلوقين عشان نوصل ولا عشان نطور طرق أمتع وأنفع لبقائنا على الطريق؟

فى جميع الأحوال، أنا مركز ع الطريق ومبسوط بيه ولسة مش مستعجل الوصول

https://www.facebook.com/YayaKordy0/posts/201997820226050

انتقل إلى أعلى