مدونة أسود و أبيض

تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

ياخسارة تربيتي فيك

علمونا ان الغراب بيجيب مصايب والتعلب مكار والبومة فقر،القطط غدارة،والاسود منها جِن،والكلب نجس والنعامة جبانة والأسد هياكلك.الخفاش هايلزق والحصان هايرفص والجمل هايشيل،وان الحمار فا هو كفاية عليه انه حمار.السِت رزق والراجل نصيب،ومالكش يَد واحترم نفسك،بس اللي جرب مش زي اللي ماجربش.اتعب هاتلاقي ولو مالقيتش فا متشالك ولو متشالك فا مالكش دعوة هايطلع امتى ولو قعدت مش هايجيلك.خد بالك المنوفي خبيث والدمياطي بخيل والسواحلية مايتعاشروش،الاسكندراني ماتقِلش عليه،والقاهري ماتصدقوش والصعيدي مقفل.الاحنبي كافر وياويلك من المصري في الغربة وبقينا بناكل بعضيناوالضربة مابتجيش غير م القريب وصاحبك لا تناسبه ولا تشاركه ومفيهاش اخوات واللي ياكل على ضرسه ينفع نفسه.كده مش فاضِلك غير دراعك،بس النفس امارة بالسوء،والدنيا فانية،والموت مش اخر محطة،واللي بعد كده مش عارفينه.

علمونا ان الغراب بيجيب مصايب والتعلب مكار والبومة فقر،القطط غدارة،والاسود منها جِن،والكلب نجس والنعامة جبانة والأسد…

Posted by Hany El-Feki on Tuesday, October 15, 2019

انتقل إلى أعلى