مدونة أسود و أبيض

تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

يا تمشوها شرقى يا غربي

ممكن يا جماعه لو مفيهاش اساءة ادب يعنى
و انتوا بتكسروا اصنام العادات و التقاليد و تتمردوا على تقاليد الجواز تكسروها كلها لكشه واحده مش تختاروا اللى يخدم ازدواجيتكم و مصالحكم بس ؟

يعنى اللى شايف ان الشقه التمليك و النيش و الشبكه و المهر عادات معقده و لازم نبقى زى الغرب و نبسط الدنيا و نساعد و نستحمل بعض مينفعش يكون شايف ان شغل البيت مسؤلية الست و ان هى المسؤله تغسل و تطبخ و تنضف و تكوى و تربى

و اللى شايفه ان الراجل مش مفروض يمشى كلامه عليها و تسمع كلامه و انها مش مطالبه بشغل البيت و انه لازم يكون مشاركه.. مينفعش تبقى شايفه انه ملتزم يجيبلها كل اللى نفسها فيه هى و اهلها و انها مينفعش تدفع اى حاجه و هى معاه و الا ميبقاش راجل

يعنى يا تمشوها شرقى راجل بيكع و يشقى و يتعب عشان يبقى “شاريها” و يبقى حقه يأمر و يتحكم و يرجع يلاقى البيت نضيف و الاكل جاهز و ميعرفش يعمل لنفسه كوباية شاى و يبقى ده حقه تالت و متلت يعنى الحقيقه

يا تمشوها غربى اتنين شركاء متساويين فى كل حقوقهم و واجباتهم بيساعدوا بعض و بيشيلوا بعض فى كل حاجه

لكن تاخدوا الحلو من هنا على الحلو من هنا و يبقى احلى كوكتيل دى اسمها مرقعه و لوع و معيله لامؤخذه

https://www.facebook.com/mariam.karakero/posts/10210113823299060

انتقل إلى أعلى