تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

ييجي واحد يقول لي بـ تتابع المباريات المحلية ليه؟

فيه ماتش في كاس مصر
بين المقاصة والمريخ
لسه خلصان
واسمع بقى اللي جرى

أول حاجة اتنين لاعيبة من المقاصة
نزلوا لابسين رقم 14
والحكم ما خدش باله غير في الشوط التاني
فـ واحد منهم لبس رقم 4
بعدين
المقاصة سجلت هدف
ثم سجلت هدف تاني
وبعد دقيقتين كدا
الحكم قرر إن النتيجة ترجع واحد صفر تاني
ليه
علشان الجون التاني
جه من لعبة
أصلها رمية تماس على المقاصة
طب ما حسبهاش من الأول ليه؟
علشان ما شافهاش
طب والمساعد؟
برضه ما شافهاش
أومال مين اللي قال لـ الحكم إنها رمية تماس
الحكم الرابع
اللي هو بقى الحكم السادس
بس لسه بـ يسموه الرابع
ما علينا
طب لما الحكم الرابع قال له
حسب الهدف ليه؟
علشان مكنش مقتنع
طب ولغى الهدف ليه بعدين؟
علشان راجع نفسه واقتنع
تمام
الشوط التاني
الحكم طرد مودي بتاع المقاصة
علشان إنذارين
بعدها بـ دقيقتين
طرد لاعب من المريخ طرد مباشر
اللاعب اعترض
بس الطرد مشي
بعد شوية لقينا اللاعب لسه في الملعب
طلع الحكم قرر طرد لاعب تاني خالص
بس برضه من المريخ
المريخ اتعادل
كدا بقت واحد واحد
وخلص الماتش
لعبوا إكسترا تايم
لاعب من المقاصة أصيب
وكانوا غيروا التلات تغييرات
فـ المقاصة كمل تسعة
بعد شوية
لاعب من المقاصة انفرد بـ الجون
الباك بتاع المريخ شده
بره منطقة الجزاء
الحكم حسب فاول
وطلع كارت
الكل كان متوقع كارت أحمر
هو ادى اللاعب كارت أصفر بس
لاعب المقاصة اعترض
وحصل هرج ومرج
والحكم أصر على إنه كارت أصفر بس
وأمر بـ استئناف اللعب
بعدين
فيه حد قال لـ الحكم حاجة
فـ اكتشف
إن مدافع المريخ
اللي لسه واخد إنذار
دا الإنذار التاني ليه
فـ طرده
والفريقين بقوا تسعة لاعيبة
في الدقيقة 120
المقاصة سجلت الهدف التاني
والماتش خلص
وانتقلنا لـ الاستوديو
إعلانين ورجعنا
علشان المذيع يقول لنا
إن فيه معلومة غير مؤكدة
إن الماتش خلص تلاتة واحد لـ المقاصة
وبعد اتصالات
تأكدوا فعلا إن فيه هدف تالت جه
جه إمتى
بعد الماتش ما خلص
ازاي؟
ما هو لما المخرج نزل بـ التتر ونقلها لكم
مكنش الماتش لسه خلص
فـ إحنا انتقلنا لـ الاستوديو
بس لسه فاضل حبة
جه فيها الهدف التالت

بعد دا كله
ييجي واحد يقول لي بـ تتابع المباريات المحلية ليه؟

https://www.facebook.com/elmohammady/posts/1581529468575667

انتقل إلى أعلى