تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

خدمة عملاء ابل

امبارح كان عندى مشكلة فى فيسبوك فا شيلته علشان انزله تانى من App Store
طلب منى اعمل credit card verification علشان فى deferred payment
دخلت بيانات الكريدت كارد كذا مرة و كل مرة بيقول ان
payment processing service is temporarily unavailable, please try again later
جربت كتير وكلمت كذا حد ودخلت على forums بتتكلم عن نفس المشكلة وما كانش فى اى حل

دخلت على الويب سايت apple و لقيت اوپشن انى احدد وقت لمكالمة مع ال support team وبالفعل حددت المكالمة النهاردة الساعة ١٢ الظهر
قعدت اجرب بليل و قررت اشترى app ب ٣ دولار واشوف اذا حيحسب الفلوس ولا لأ و حصل فا نزلت فيسبوك بعدها علطول واشتغل تمام
النهاردة كلمونى الApple support team حسب الميعاد المحدد الساعة ١٢ بالثانية و قولت للموظفة ان كان فى مشكلة و اتحلت خلاص فطلبت منى لو عندى وقت او لو مش فاضية تكلمنى تانى فى اى وقت أحدده احكيلها المشكلة علشان ماتتكررش تانى ليه او لغيرى ، حكيتلها وقالتلى انها حترد فى الكارد بتاعى التلاتة دولار علشان ماكنش المفروض ان ده يحصل من الاول !! وأتأسفت جداً وطلبت منى تدخل على ال Apple ID بتاعى علشان نعرف ايه مشكلة الdeferred payment علشان المشكلة تتحل من اصلها و عملنا كل الخطوات بس كان فى مشكلة فى الانترنت فاكلمتنى على تليفون البيت وحلينا المشكلة وأتأسفت تانى !

طبعاً فى بالى طول ماهى بتكلمنى الأفكار دى :
-يعنى ايه تكلمونى فى الميعاد بالظبط ، لأ هو يعنى ايه تكلمونى اصلاً ! ليه مايطلعش عينى أكلمكم و ليه ما استناش على الوايتينج ربع ساعة !
-انا مصرية حضرتك مش واخدة على المعاملة دى اصلاً
-انتى ليه مش بتكدبى وتقولى السيستم داون والمشكلة مش من عندنا اصلاً
– ليه مصممة انك تشتغلى صح مع انى قولتلك من الاول ان المشكلة اتحلت
– ليه بترجعى الفلوس مع ان ده كان قرارى علشان ما استناش للصبح و ازاى مارجعتيش لعشر مديرين تاخدى آذنهم ، ليه يكون فى empowerment لموظفة خدمة عملاء !
– ليه تصممى نحل المشكلة من اصلها ونضيع شوية وقت أحسن ماارجع أكلمهم تانى وابقى مش راضية عن الخدمة مع ان العميلة كانت مذهولة وراضية بقليلها
– المعنى الاصلى لل ownership
– حضرتك عندنا وظيفة وزير اتصالات شاغرة ، والنبى فكرى ارجوكى ما تكسفيناش !

اد الدنيا يا فاشل !!

https://www.facebook.com/fatma.o.elbaradie/posts/10156150067365230

انتقل إلى أعلى