تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

تنبيه عن الـ Personal Brand

تعديل وتنبيه:
ياريت الناس متجربش الموضوع لان فعلا الحسابات بتتقفل
الموضوع انا معرفش ليه حل …ومفيش مواقع عالمية اتكلمت عنه لاننا احنا اللى بنستخدم البرامج دى بالطريقة دى ..فدى مشكلتنا احنا وملهاش حل حتى الان.

لا تقم بكتابة هذه الجملة على الفيس بوك
“استغفر الله العظيم”
بعد كتابتها كمنشور سوف يتم حظر حسابك لمدة ١٥ : ٣٠ يوم أو منعك من التعليق، قام فيس بوك بالأمس بحظر مئات إن لم يكن الألآف من المصريين، وقد اعتبر فيس بوك بأن هذه الجملة “سبام” أو منشور مزعج أو له حقوق ملكية، السبب في ذلك هو التطبيقات الإسلامية للنشر الأوتوماتيكي، بسبب كثرة الإبلاغ عن هذه التطبيقات، قامت فيسبوك بحظر تلك الجملة من الكتابة.
دا تفسير الموضوع تقنيًا علشان محدش يقعد يفتي، إحنا السبب في اللي حصل دا حذرنا زنكليون مرّة من التطبيقات الإسلامية اللي بتنشر أوتوماتيك وأهو بدأنا نتعلم الدرس.

شكرا Mahmoud Ahmed على نشر الخبر

الموضوع ده فعلا بيحصل ولو حاولت تكتبها فى بوست حسابك فعلا هايتقفل.

وبالمناسبة دى خلينا نوضح شوية مفاهيم:
لما بنتكلم عن الـ Personal Branding
بيبقى الرد: ناس كتييييير ناجحين فى مجالهم مش عاملين لنفسهم
Personal Brand… وهلى انتوا كناس بتشتغل فى المجال شايفين اللى محدش شافه؟
انا ممكن اقسملك ان كل الناس اللى بيتكلموا فى الموضوع ده ..كانوا عندهم ايميلات باسماء غريبة..كانوا بيعملوا لايك لنفسهم زمان.. وكل حاجة من اللى انت بتعملها دلوقتى …بس خلال الوقت اللى كنا بنتعل فيه اكتشفنا ان كل دا غلط ..ودا اللى خلانا نبطل الحاجات دى ونحاول نوعى الناس انها متعملهاش علشان منبقاش كلنا بنقع فى نفس الحفرة بنفس الطريقة .
طيب ما فى ناس لحد النهاردة بينجحوا من غير ما يعملوا حاجات كتير من المطلوبة تنفيذها دلوقتى؟
صح جدا ..فى ناس مش فارق معاها الموضوع كمان ..لو انت شايف ان الموضوع مش مطلوب دلوقتى ..لو انت شايف انك عادى جدا ميبقاش عندك ايميل زى وقتهم ..لو انت شايف ان فرص الشغل متاحة اكتر من وقتهم ..لو انت شايف امثلة كتييير قوى نجحت بسهولة…لو انت شايف المنافسة بنفس المقدار اللى كان موجود على ايامهم ..لو انت شايف ان اهمية معرفتك على الانترنت مش مهمة بنفس الدرجة اللى كانت موجودة على ايامهم ..لو انت شايف ان عدد الناس اللى بيقدم على اى وظيفة قليل ..لو انت شايف انك لمجرد انك خريج جامعة كذا او واخد شهادة فى كذا ..هتشاور وهتلاقى الشغل بيترمى تحت رجلك..
لو سمحت متهتمش باى حاجة من اللى انا قولتها

لو انت من الناس اللى بتردد او بتسمع للناس اللى ليل نهار بتردد
“رزقك هيجيلك هيجلك” او”
“يرزقكم كما يرزق الطير تغدو خماصا وتعود بطانا

هافكرك بـ
وَأَنْ لَيْسَ لِلإِنسَانِ إِلاَّ مَا سَعَى
فَإِذَا قُضِيَتِ الصَّلَاةُ فَانْتَشِرُوا فِي الأَرْضِ وَابْتَغُوا مِنْ فَضْلِ اللهِ
وَقُلِ اعْمَلُوا فَسَيَرَى اللهُ عَمَلَكُمْ وَرَسُولُهُ وَالمُؤْمِنُونَ
قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ

وروى الطبراني أن الرسول صلوات الله وسلامه عليه قال: «اطلبوا الرزق في خبايا الأرض»،

وقال عمر بن الخطاب رضي الله عنه: «لا يقعدن أحدكم عن طلب الرزق وهو يقول: اللهم ارزقني، وقد علم أن السماء لا تمطر ذهبًا ولا فضة».

كلامى موجه اكثر للناس اللى لسه بتبدأ حياتها وبتحاول ترسم لنفسها مستقبل
لو منحتش فى الصخر بلسانك ..لو متعتمدتش على نفسك فى ايجاد المعلومة..لو متعرفتش على التكنولوجيا اللى بتحصل حواليك ..لو محاولتش تستفيد من كل اللى فات …انسى انك هاتبقى حاجة و لو سمحت متجيش بعد 3-5 سنين وتقول انك مش لاقى شغل او مش لاقى تاكل.

ملاحظة مهمة جدا: لو انت عندك سؤال بخصوص الموضوع ده اوعندك استفسار عنه ..يسعدنى اناقشك فيه..لكن لو شايف ان كل اللى فات اوهام ..لو سمحت سيبنى حالم مع نفسى ومتضيعش وقتك معايا.

نصيحة اخيرة:
لو ابتديت فى الموضوع ده ..ابدأ ونيتك انك هاتنفذ اوامر بنا فى
“اقرأ”
+
“وقل ربى زدنى علما”

تعديل وتنبيه: ياريت الناس متجربش الموضوع لان فعلا الحسابات بتتقفلالموضوع انا معرفش ليه حل …ومفيش مواقع عالمية اتكلمت…

Posted by Karim Soliman on Sunday, October 26, 2014

انتقل إلى أعلى