مدونة أسود و أبيض

تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

أنفريند/أنفولو /بلوك اختراعات عظيمة جدًا

بغض النظر عن الماتش يعني، أنفريند أنفولو بلوك كلها اختراعات عظيمة جدًا، مش بس عظيمة دي ضرورية في مكان متجمع عليه ملايين البشر، مين قال إنه المفروض كل الناس تبقى صحاب وحبايب وتتكلم وتتناقش وتحاول تغير وجهات نظر بعض؟ مين قال إنه كل الأشخاص وكل وجهات النظر تستحق الإحترام والتعاطي معاها؟ الكلام ده ما بيتطبقش ف 99% م الحالات ومش عارف ليه الناس بتاخد الأنفريند أو البلوك ع إنه فعل عدائي يمس الكرامة، الموضوع بسيط فشخ والله وأسبابه بسيطة فشخ، ممكن مفيش حاجة مشتركة أو ممكن أنا بأستتقل دمك أو العكس أو ممكن إنت بني آدم بضان أو العكس..هو في حد بيغير رأيه ولا بيعتذر لا سمح الله؟ في حد بيبقى قدامه فرصة للبضينة ع خلق الله وتسفيه رأيهم وكلامهم والشخاخ عليهم وبيفوتها؟ أنا بأحس إن الناس اللي بيتعملها بلوك وتقعد تعيط دي بتبقى زعلانة بس إنها خسرت متلقي جديد للبضان والعدوانية العشوائية اللي بقت بتميز الناس ع الفيسبوك، أو زعلانة عشان هي ما سبقتش بالبلوك أو ما جالهاش فرصة تقول حاجة زي ولا يهمني مثلًا..البلوك ده حاجة صحية جدًا جدًا والله أنا ساعات بأبلك ناس بشكل عشوائي لمجرد أنه بيقولوا حاجة أنا مش عايز أشوفها لسبب أو لآخر من غير ما أكون أعرفهم أو حد فيهم داس لي ع طرف بشكل شخصي، والله لو كل الناس تكتر م البلوك حنرتاح كلنا أكتر.

بالنسبالي كـ “كريم” الموضوع ملوش علاقة فعلا بعلاقتنا ببعض،
انا في ناس بحب اقابلهم جدا، او نتكلم كل فترة في الرسائل،
او نتقابل كل فترة نطمن علي بعض ونشوف الاخبار بشكل عام ولو في حاجة نقدر نقدمها لبعض بتبقي حاجة حلوة جدا،
ومعنديش اي مشكلة انك متكلمنيش لفترة طويلة وبعدها تدخل تسألني عن حاجة..انا لو في ايدي اكيد مش هتأخر عنك.
بس دا ملوش اي علاقة باننا نبقي صحاب اونلاين وخاصة علي الفيس بوك…بالعكس،
فكرة انك بتشوف حاجات شخص نشرها بتخليك “تحس” انك “متابعه” وعارف كل التفاصيل عنه و “في الاغلب” هتأجل/هتتأخر او هاتنسي تسأل عليه لانك “شايفه” كل شوية وانت بتقلب في الفيس بوك،
لكن عدم وجودكم قدام بعض باستمرار هايخلي الموضوع اوضح،
سواء الوضوح انكوا محتناجين تتقابلوا اكثر ، وتتكلموا اكثر
او انكوا بقيتوا موجود عند بعض تقضية واجب والموضوع مش هايفرق في حاجة فعلا.

انتقل إلى أعلى