تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

من أكبر مشاكل قطاع التكنولوجيا و المعلومات CTO

من أكبر مشاكل قطاع التكنولوجيا و المعلومات هو ان العملاء فقدوا الثقة في الشركات التكنولوجية و السبب في ده بيرجع لخاصيتين اساسيتين

أولهم هو اسناد الأمر لغير أهله ، يعني تلاقي شركة محتاجة موقع بسيط ممكن يتعمل ورد بريس ثيم ، فتلاقيهم يطلبوا مبرمجين جافا و جافا سكريبت و عايزين موبايل اندرويد و ابل وفي النهاية كان الموضوع يتحل بمبرمج وردبريس

و الثاني هو ان في شركات كثير أدمنت انها تتعامل مع العملاء بنظرية البقرة الحلوب ، يعني هو لازم يحلبه حتي أخر قرش و اخر موظف و لغاية ما الشخص ده يقول كفاية بقي كمبيوتر انا حأرجع لليدوي يا أولاد ال ….

طيب الحل ايه ؟

الحل بسيط جداً للمشكلتين ، كصاحب بيزنس او شركة و ما بتفهمش في التكنولوجيا وهو انك تجيب شخص متخصص في المجال و يشتغل معاك ك CTO و يبقي هو مستشارك في التكنولوجيا و كل ما يتعلق بهذا المجال و تطلب منه طلباتك بدون ما تتدخل كثير في التفاصيل
يعني خلليه هو يقول لك ايه انسب تكنولوجيا تستخدمها و ليه و يختار الوظائف اللي هو محتاجها و يعينهم بنفسه و بعدين يديرهم و لو حتجيب شركة تعمل لك الحاجة يبقي تخليه هو اللي يدرس العروض و يتناقش معاهم و يفاصلهم و يختار بينهم و بعدين يستلم منهم

كل ده طبعاً بفرض انه شخص امين و عمل الشغلانة دي قبل كده
يعني مخلص و فاهم

معظم المصايب اللي شفتها في قطاع التكنولوجيا خلال ٢٠ سنة من عملي هي نتيجة مباشرة لأن الناس بتتعامل مع التكنولوجيا كقطاع مالوش استشاري ومالوش صاحب

الغريب ان لو شركة مواد غذائية حبت تبني مصنع جديد لازم حيجيبوا استشاري معماري و مدني و ميكانيكا و كهرباء لكن عمرهم ما حيفكروا يجيبوا استشاري نظم معلومات !!!

زي ما بيوت الناس مش لعبة برضه سيرفراتهم مش لعبة

يا اخوانا المعلومات زي المعمار كده ، انت ما بتفهمش فيها غير لو من أهلها و بالتالي حتحتاج استشاري يفيدك و الا حتلبس !!

 

لو انت شركة صغيرة أو معاك ميزانية مضغوطة ، محتاج تعين
Full-Time CTO
خبرته متوسطة ؟ ولا
Part-time Experienced CTO
بخبرة عالية

السؤال ده شائك جدا وبيضايق شركات كتير … و عشان كده تعالوا نبص على الموضوع من زاوية مختلفة شوية

إنت محتاج إيه أصلا من الCTO ؟

لو انت معتقد إن الCTO عبارة عن ديفيلوبر بس تنين مجنح و حاصله تطور مرتين تلاتة زي البوكيمون كده و هيعرف يعمل الموقع بالموبايل آب ويرفع الحاجة على ال
Cloud
وياريت لو فيه شوية
Hardware
في السكة يعملهم …

الحقيقة في لبس كبير قوي في فهم دور الCTO في قطاع تكنولوجيا المعلومات في مصر …. و اللي بيثبتلي ده يوم عن يوم …إنه شركات كتير قوي في مصر شغالة في المجال …معندهمش حد بالمسمى ده في الشركة أصلاً …

الشركة عشان تتحرك محتاج ناس تحط خطة و ناس تنفذ الخطة….

لو فرضنا انك هصرف على جزء و تسيب التاني ….
خطة سيئة بتنفيذ كويس ، إنت راكب الزحليقة لا محالة ..ﻷن لو التنفيذ نجح هيطلعلك حاجة مش مفيدة لشركتك ﻷن من الأول الخطة وحشة  ولما بنتكلم على خطة هنا بنتكلم على الناس اللي بتحط خطط لشركات عشان المردود القريب و البعيد

لو الخطة صح …والتنفيذ غلط ….الموضوع بقى مختلف هنا …. هتروح في داهية برضو 

الفرق الوحيد إنك بتروح في داهية وانت بتحاول تعمل حاجة صح ….الStartups دايما بتعاني لحد ما تقدر تحصل على تمويل و تكبر ده متفق عليه …بس على الأقل تكون بتتحرك في اتجاه صح

إنتإ ايه رأيك ؟
Experienced Interim CTO (Partime/consulting)
Or
Fulltime mid experienced CTO ?
Or
صلي على النبي و دوس ..بلا
CTO
بلا بتاع

من أكبر مشاكل قطاع التكنولوجيا و المعلومات هو ان العملاء فقدوا الثقة في الشركات التكنولوجية و السبب في ده بيرجع لخاصيتين…

Posted by Tamer Ahmed on Sunday, June 3, 2018

لو انت شركة صغيرة أو معاك ميزانية مضغوطة ، محتاج تعين Full-Time CTO خبرته متوسطة ؟ ولا Part-time Experienced CTO …

Posted by Mahmoud Darweash on Sunday, June 3, 2018

انتقل إلى أعلى