تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

يعنى ايه خدمة عملاء “بتعتمد على معاير” واحترافيه فى التعامل

يعنى ايه خدمة عملاء "بتعتمد على معاير" واحترافيه فى التعامل :
كان عندى مشكلة من ساعت من جبت تليفونى
Sony Xperia
مكنتش عارف اعمل 
Auto Sync
بين ال
Contact
على التليفون وبين الجيميل بتاعى ..وعلى الرغم من انى المفروض اكلم شركة سونى بس انا قررت من 3 ايام ابعت لجوجل
Customer Support 
الموضوع حصل فيه كلام كتير 
خلاصة التجربة: طوال ال 3 ايام الراجل كان بيكلمنى كل يوم "هو مش فى مصر" ويقولى على خطوات "و لما كان بيكلمنى مكنتش ببقى جنب الجهاز..كان بيقولى الخطوات فى التليفون ويبعتهالى على الايميل وانا اروح اعملها ..كان كل مرة بيقف قدامى حاجة ..امبارح قالى لو ممكن نحدد معاد تبقى فيه اونلاين ونعمل الخطوات مع بعض
وفعلا قعدنا النهاردة من 3:40 لحد 5:57 بنتكلم علشان يحل المشكلة "المكلمة لما فصلت بعد ساعة كلمنى تانى"..الجميل فى الموضوع انه جاب تليفون زى تليفونى
Sony Xperia
 وكان قاعد على النت فاتح المنتديات اللى بتقدم حلول للتليفون ده ..
وقعد معايا طول الفترة دى بيكلمنى وجربنا كل الخطوات لحد ما المشكلة اتحلت ..كله ده عادى 🙂 
لكن انه بعد كل ده يقولى انا هاسيب ال
case
اوالايميل اللى انا بعته وعمل طلب عندهم
..مفتوح لمدة 3 ايام لو فى اى مشكلة تانى رد على الايميل ده وانا هاكلمك علشان نحلها 
لا فعلا كده كتير 

ملحوظة ملهاش 30 اى لازمة : انا بدفع لجوجل حوالى 35 جنيه فى الشهر ..وبدفع لفودافون و
Tedata
قدهم 4 او 5 مرات كل شهر ومحدش منهم بيفكر يعمل 1/100 من اللى جوجل بتعمله ..الموضوع فعلا مبدأ 

وشركة بتطبق معاير وبتتعامل باحترافية وناس تانية بتمشى حالها 


فعلا : الفكرة مش فى الزيت يارحاب ..المهم الرجالة اللى بتتدهن :))

انتقل إلى أعلى