تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

defragmentation الشك

defragmentation الشك

١
كنت بتكلم مع واحدة صاحبتي بتقولي في نظرية بتقول كذا وكذا وكذا …
قولتلها بس الكلام بالنسبالي مش منطقي او ومش مقنع 
قالتي بس هما جربوها علي ناس كتيير
فقلتلها عادي يعني مش شرط تطلع صح …
قالتلي بس دي نظرية !!
قلتلها النظرية اتبنت علي عدة تجارب علي مجموعة من الناس …مش شرط الخلفية والمواقف وطبيعية الشخصيات اللي الناس اللي اتطبقت عليهم تجارب النظرية دي تنطبق عليكي …وحتي لو اتطبقت، طيب مافي احتمال – حتي ولو 1٪ – ان النظرية تبقي بتتطبق علي 99 ٪ من الناس وانت تبقي من الـ 1% اللي لا ينطبق عليهم الموضوع ده.
ليه اخد كل حاجة انها مسلم بيها ومينفعش نتناقش في منطقيتها.
قالتلي خليك انت كده اقعد “شك” في كل حاجة لما ما تشوف هاتروح لفين

٢
لو كنت بتستخدم windows من فترة طويلة، فكان لازم زمان – كل شوية – تعمل حاجة اسمها defragmentation
ودي مخلصها بمثال: ان الهارد مثلا بيبقي متقسم بلوكات كل 4 ميجا ..قلو انت معاك مثلا ملف 4 ميجا، الملف هياخد بلوك واحد …لو حطيت بعده ملف 400 ميجا هياخد 100 بلوك …وهكذا
بس لو معاك ملف 5 ميجا ..فكده هو هياخد بلوك – 4 ميجا – وهياخد ربع بلوك للـ 1 ميجا التانية وهايبقي متبقي 3 ميجا فاضين، والمشكلة بتحصل لما تجيب بعده ملف جديد..الهارد بيسيب الـ 3 ميجا دول فاضين وبيحط الملف الجديد علي بلوك جديد
ففكرة الـ defragmentation بتتعمل علشان تخلي الهارد يجمع كل الاجزاء اللي فضيت من كل مرة الهارد بدأ من بلوك جديد وسايب مساحات فاضية

3
اقرا واتفرج علي الحاجات دي
https://www.facebook.com/Egychology/videos/1937649486505367/
https://www.facebook.com/kareemsamara/posts/10151945993103106
https://www.facebook.com/photo.php?fbid=10152880854023106&set=a.10150123925778106.286442.593743105
https://www.facebook.com/photo.php?fbid=10152880824293106&set=a.10150123925778106.286442.593743105
https://www.facebook.com/kareemsamara/posts/10152460723458106
https://www.facebook.com/kareemsamara/posts/10151889147763106

شخصيا اكثر موقفين حبيتهم واتأكدت من المواقف بتاعتهم (كـ Proof on convept)
١- هل تم طرد ستيف جوبز من شركة ابل
https://www.facebook.com/kareemsamara/videos/10153222986058106/

٢- دا اينشتين كان فاشل في الرياضة “كما يعلم الجميع”
https://www.facebook.com/photo.php?fbid=10152871312573106
اخيرا
مهم جدا انك تقف وتفكر في الوضع بتاعك – ايا كان هو ايه –
انت وصلتله ازاي؟ .. ايه المواقف اللي اثرت علي طريقة تفكيرك ؟
ايه اللي خلالك مؤمن/مقتنع/متبني اي فكرة بتشتغل عليها؟
محتاج تعمل defragmentation لكل الحاجات اللي مصدقها بناء علي كلام ناس – اغلبهم – متعرفهمش
محتاج تعرف انت فين ..قبل ما تفكر هاتروح فين
ممكن بعد ما تفكر تكمل في نفس الطريق..بس لازم تتأكد ان كان فيه اكثر من طريق وانت اللي اخترت الطريق ده، مش اجبرت عليه حتي ولو بشكل غير مباشر

انتقل إلى أعلى