تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

“متتجوزش ، إلا لما تسأله الاسئلة دي”

“متتجوزش ، إلا لما تسأله الاسئلة دي” ….. جريدة نيويورك تايمز عملت دراسة عن اللي داخلين في موضوع الزواج ، وطلعت بنتيجة ، إن أي إتنين داخلين علاقة جدية وبيخططوا للجواز مينفعش يتجوزوا غير لما يسألوا بعض أسئلة مهمة جداً ويبقي ليها إجابات واضحة وصريحة ، عبارة عن 15 سؤال بيشمل تقريباً كل المشاكل اللي بيقع فيها أي إتنين في طريقهم للزواج .. والواحد لو ركز في الاسئلة دي هيكتشف فعلاً إنها بتبقي مصدر خناقات وإختلاف قوي جداً بعد الجواز لو مكنش الإتنين متفقين عليها من الأول ، وبتقول الدراسة برضه إن مش لازم كل الإجابات تبقي باللي طرف من الأطراف عاوزه .. مفيش إجابة نموذجية يعني ، بس ممكن يبقي في حوار وتفاهم وممكن يبقي في تفاوض ، بس الأهم يبقي الموضوع واضح وصريح إجابته قبل قرار الزواج عشان أغلب الأشخاص اللي جوازهم فشل ، كان بسبب عدم تفاهم في موضوع أو أكثر من اللي في الاسئلة دي ، والإجابة علي الاسئلة دي في البداية هيخلي في أرض مشتركة أكتر وفي تفاهم وإتفاق واضح وصريح بين الأطراف وكل واحد يبقي داخل العلاقة وهو عارف هو داخل علي إيه ، لإن أغلب المتزوجين بيبقي عندهم توقعات حالمة وتخيلات وفي الآخر بيصطدموا بالواقع وعشان كدة عملوا الدراسة دي .. والاسئلة كالتالي:

1- هنخلف ولا لأ ، ولو خلفنا مين هيبقي المسؤل الأساسي عنهم؟

2- كل واحد عارف إلتزاماته المادية ودوره في الصرف؟

3- هل كل واحد عارف دوره كويس في الواجبات المنزلية؟

4- هل كل واحد فينا عارف التاريخ الصحي والنفسي للتاني كويس؟

5- هل كل شخص في العلاقة حنون بشكل يليق بتوقعات الطرف الآخر؟

6- هل نقدر نتكلم عن تصوراتنا وإحتياجتنا وتخوفاتنا الجنسية بشكل صريح مع بعض؟

7- هيبقي في تلفزيون في أوضة النوم ولا لأ؟

8- هل إحنا بنسمع بعض كويس وكل واحد فينا متفهم ومحترم أفكار وآراء الآخر والشكاوي بتاعته؟

9- هل كل واحد فينا متفهم إنتماء الآخر دينياً سواء معتقد أو درجة تدين ، وهل إتفقنا إمتي أولادنا هنبدأ نتكلم معاهم في موضوع الدين؟

10- هل كل واحد فينا بيحب وبيحترم أصحاب الطرف الآخر؟

11- هل إحنا الإتنين بنحترم وبنقدر أهل الطرف الآخر ، وهل في تحفظات من البداية علي تدخل الأهل في العلاقة؟

12- إيه الحاجة اللي بتضايقك من أهلي؟

13- إيه الحاجات اللي مش مستعد أتنازل أو استغني عنها حتي بعد ما نتجوز؟

14- لو واحد مننا جاله شغل في مكان بعيد ، هل مستعدين ننقل عشان يشتغل هناك؟

15- هل كل شخص راضي ومبسوط من إلتزام الطرف التاني في العلاقة وشايف إنه علي قدر كافي من المسؤولية ، وهل العلاقة قوية بما يكفي لإنها تستمر وتعيش برغم التحديات اللي هتقابلها؟

*إنتهت الاسئلة*

https://onmogul.com/articles/do-not-get-married-unless-you-ask-your-partner-these-15-questions-or-else-you-ll-wish-you-had

"متتجوزش ، إلا لما تسأله الاسئلة دي" ….. جريدة نيويورك تايمز عملت دراسة عن اللي داخلين في موضوع الزواج ، وطلعت بنتيجة…

Posted by Amr Medhat on Wednesday, November 5, 2014

انتقل إلى أعلى