تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

مش مجرد حلم

لو عندك حلم ومحصلش كل شوية موقف يحبطك ويضايقك و يخليك تفكر تكمل الحلم ده ولا لا… لو مقعدتش كل شوية بتلوم نفسك عليه و بتقول لنفسك:
– مايستهلوشى
– مش كفاية كده
– كده كده مش هايتحقق
– الموضوع بقى صعب قوى
– انا زهقت منه خلاص
– مايستهلوشى
– كل الظروف ضدى
– انا هاحارب لوحدى
– مفيش فايدة
– انا تعبت
– الموضوع صعب
– وانا هاعمل ايه يعنى
– انت مش شايف الناس التانية بتعمل ايه
– الناس بتحب اللى يضحك عليهم
– الناس بتحب التفاهة
– Fakes
– الناس مش بتقدر الحاجة الحلوة
– وانا هابقى احسن من اللى حاولوا قبل كده
– مايستهلوشى
يبقى انت حلمك مش كبير, ولو مكملتش يبقى انت متستاهلش الحلم ده
لما تلاقيك في ضغوط وابتلاءات أكبر من طاقتك ..اعرف أن ربنا بيربيك بطريقته !
مش لازم تفهم كل حاجة .. اوقات النور الزيادة بيعمي
فيه حاجات اوقات بتتكسر .. عشان انت اللي تتصلح
انت هتفضل طول عمرك فاشل لو كان تفسيرك الوحيد لفشلك هو سوء الحظ
ماتصدقش اللي يقولك مش قادر احقق حلمي …يا اما مش دا حلمه يا إما ما حاولش يحققه ويتعب فيه بجد .. مافيش شيء مستحيل امام الاراده مع المحاوله
متخليش حد يقولك اعمل الحلم دا “اى حلم” سواء لانه: مطلوب – مفيد – هينجح.
لو انت مش مقتنع بالحلم ده ..وفَر وقتك لحاجة تانية تعرف تنجح فيها
انت هتفضل تايه ف حياتك بين التلات اختيارات .. ايه الصح وايه الغلط .. وايه السهل !!

انت بعد ما بتعمل اللى عليك بتدعى …يمكن الدعاء لم يستجب بعد لإنك متونس بالشكوى للناس أكتر من الشكوى لله ، يمكن الفرج مجاش لأنك رامي حمولك على الناس أكتر ما أنت راميهم على ربنا ، يمكن الحلم متحققش لأنك عاقد الأمل على الي حواليك أكتر ما أنت عاقده على الله..
من أكثرما يبعث على الطمأنينة والراحة النفسية: ( ناصيتي بيدك ،ماضٍ فيّ حكمك ،عدلٌ فيّ قضاؤك) استسلام. فاطمئنان. فرضا وأمان. اللهم رضاك والجنة

كمل .. واوعاك تموت ناقص حلم.
#لسه_فى_امل

أوعاك تموت ناقص حلم

انتقل إلى أعلى