تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

الدراسة مش فشل

الناس اللي بتدرس مبتفشلش … الفشل هو انك تتكيف علي الظروف اللي انت قادر تغيرها او قادر تغير وتجرب حاجة جديدة بس انت خايف.
الدراسة مختلفة عن كده .. انت بتدرس فترة معينة ..هاتنتهي منها “حلوها بمرها” بعد فترة .. فبغض النظر عن انت هاتنجح او هاتفشل في النظام الدراسي انت عارف ان الواقع وسوق العمل مختلف .. مش هاتنفعك اي حاجة من اللي درستها باستثناء حاجات بسيطة.

الفشل انك تروح تشتغل شغلانة اللي في تخصصك الدراسي – اللي انت مكنتش بتحبه – وتكمل فيها لمجرد ان – اسمك – متخرج من كلية معينة.
الفشل انك تتهور وتروح تفتح مشروع لان كل اصحابك عملوا كده وانت معندكش اي خلفية عن ازاي تدير مشروع.
الفشل انك تتحمس لفكرة عجبتك من غير ما تدرس الموضوع بشكل كويس
الفشل انك تسأل سؤال عام وتستني اجابة “محددة” تغير مجري حياتك
الفشل انك متبقاش مقتنع ان الشيء ونقيضه بينجحوا لاختلاف الـ cases
الفشل انك تشك في قدراتك وتحتار بسبب بوست علي الفيس بوك بيقولك اعمل او متعملش لمجرد ان اللي كاتب الوبست عنده Followers كتيييير رغم ايمانك بالفكرة.

انتقل إلى أعلى