تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

برمجة الخوف

من اول ماتتولد
بتخاف تلمس الكهربا علشان متتضربش
بتخاف تسقط علشان ميتريقوش عليك
بتصلي لانك خايف من النار
بتبقي قرفان من الاماكن اللي بتروحها ومع ذلك بتروحها لانك خايف من التغير
بتخاف تتغير لانك شفت امثلة شاذة اكتر من الامثلة الناجحة
بتسأل وتستشير الناس علشان لما تغلط تلاقي حد ترمي مشاكلك عليه
مبتتكلمش علي الحاجات الايجابية علشان متصارعش نفسك انك تعمل حاجة
بتقول دايما انك متعرفش لانك معندكش حماس تجرب وتغلط
بتحب الامثلة الناجحة بس مشهورة لانها بتطمنك .. وبتغير من اللي زيك لانه بيفكرك بفشلك وضعفك
بتدافع عن العادات والتقاليد لانك ضعيف
بتهاجم اي حد بيتكلم صح لانه بيمثلك تهديد لمملكتك الامنة
مبتفرقش معاك صح ولا غلط ..المهم المجتمع متقبله ولا لا
بتتمسك باي فكرة لانها بتتعرض قدامك كتيير مش لاقتناعك
بتهاجم نفس الفكرة اللي كنت مقتنع بيها لما بتلمس حد انت بتحبه
بتحفظ بتجرب بتتعود ..بتؤمن
انت متبرمج علي الخوف

انتقل إلى أعلى