تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

HR@MaganeeenAwy


بندور على حد كرييتف، مجنون، متهور، عنيف، دموي، متخلف، ميعرفش حاجة اسمها مستحيل، ميعرفش حاجة اسمها معرفش، ميعرفش حاجة، بيعرف يشتغل تحت ضغط، متعود عالكرابيج، والجنازير، والخراطيم، يكتب لو اتطلب منه يكتب، يغسل لو اتطلب منه يغسل، يحلف لو اتطلب منه يحلف، ملتي تاسكنج نينجا، ريسك تيكر، تشينچ ميكر، كوفي ميكر، سوبر موتيڤيتد هايلي أوڤرريتد كوربوريت آسهول، إكسترا كومبيتيتڤ بلاك هارتد أوڤر كواليفيايد دبل تشيز ملتي لايرد صن أوف آ بتش، صبور، غيور، سريع، وديع، مطيع، وضيع، عنيد، بليد، لذيذ، ظريف، خفيف، نضيف، عفيف، شريف، هنطلع عين أمه، هنسحله، هنعذبه، هنهدده بأهله، هنحرق عربيته، هنعلّم على جسمه، بس كل ده ولا حاجة جنب إن هيكون شريكنا ف الرحلة وف النجاح.
المرتب: حسب الخبرة.
الشركة توفر ٢ شاي كشري/اليوم، حمام بكابينة منفصلة لموظف الشهر المثالي، مساحة للتدخين، مساحة للترجيع.
متوفر سكن لغير المقيمين في القاهرة من الفلاحين والبدو والصعايدة والشيكابالا.
الشركة غير مسئولة عن أي تلفيات، إصابات، كدمات، سحجات، كسور، حروق، صعق، تمزيق أوصال، وفيات ناتجة عن متطلبات العمل.
يرجى إرسال السيرة الذاتية على: HR@MaganeeenAwy.net

ملاحظة:
انا باعتذر لأي حد فكّر إنه إعلان حقيقي أو بعت لي السي ڤي، ده تهريج وتريقة على الشركات اللي بتكتب إعلانات بطريقة وطلبات مماثلة، أسف جدا وباعتذر لكم إننا في سوق عمل زي ده يضطر أي حد يقبل بشروط أو طريقة عرض شغل بأسلوب زي ده.

بندور على حد كرييتف، مجنون، متهور، عنيف، دموي، متخلف، ميعرفش حاجة اسمها مستحيل، ميعرفش حاجة اسمها معرفش، ميعرفش حاجة،…

Posted by Mahmoud Ezzat on Tuesday, August 20, 2019
انتقل إلى أعلى