تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

“اللاب” .. و “الفيس”

الاجانب يقولوا Mac بدل McDonald’s ونفس الكلمة على Apple Macintosh
كلمة administrator لما انتشر استعمالها اختصروها بقت admin
يقولوا info اختصار information
يقولوا mag اختصار magazine
يقولوا lab اختصار laboratory
بيقولوا lappy دلع لكلمة laptop
عربيات chevrolet بيدلعوها chevy

بس انت لو قلت “اللاب” .. و “الفيس” .. وﻻ حتى “الواتس” تبقى فلاح !

محظور عليك تعمل حاجة زي كدة بس ستيف جوبز لما يختصر application ويقول عليها app يبقى كول ولذيذ وعبقري جدا !!

ادى الـ Word Shortening طلع مش فلح وﻻ حاجة اهو يا جاهل ??

تعالى لى بقى في حتة النطق واللكنة . .

معروف ان كل شعب بينطق الانجليزى بنطق اقرب للسانه ولغته الام ومع ذلك ده ما منعش الهنود واليابانيين والالمان يفيدوا البشرية ويتحضروا ويتقدموا ويفخروا بلغاتهم الام ايا كانت ..

و زي ما في انجليزى مصرى في انجليزى هندي وانجليزي يابانى وانجليزي المانى وكورى وصينى ، وكمان اسوأ بمراحل من الانجليزي المصري اللى بنتريق على بعض بيه !

ليه يبقى معاك افصح لسان واعظم لغة وبقيت مسخ ! ليه !!

ﻻ وخايف على تلوث الانجليزي اوى !

وما بتعملش نفس الاجراء مع تشوه وتلوث لغتك العربية الام !

وكل اللى انت فالح فيه تتريق على اي حد بينطق اسم براند او ابليكيشن غلط !

لان طبعا الكلمة من دول ، حتى لو بقت جزء من العامية وحياتك اليومية ﻻزم تقولها في وسط كلامك كاملة وتقطع نبرة صوتك وتظبط اللكنة كأنك دخلت في فيلم امريكي ورجعت تانى، والا ما تبقاش مثقف و classy !!

المهم تيجى تشوف بقى مين ده اللى بيتكلم في الاخر ، غالبا واحد من اكتر البنى ادمين تفاهة اللى عمره ما قدم شيء مفيد للبشرية اساسا !

قال يابا علمنى الهيافة، قال له تعالى في الهايفة واتصدر !!

الاجانب يقولوا Mac بدل McDonald's ونفس الكلمة على Apple Macintosh كلمة administrator لما انتشر استعمالها اختصروها بقت…

Posted by Amr ELsaqqa on Monday, December 21, 2015

انتقل إلى أعلى