تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

ليه الناس بتقولك اتعلم لغة جديدة من الافلام والأغاني ؟

ناس كتيير بتقولك اتعلم اللغة من اغاني والافلام..بس مفيش حد قالك ليه ..ولا قالك ايه الاخطاء الشائعة اللي بيقع فيها اغلب الناس ..ولا ايه اهم الحاجات اللي لازم تعملها علشان تتعلم الموضوع ده بشكل صح وتتحسن بسرعة

خلينا نقول في الاول ليه؟

في الاول في بعض الدراسات اثبتت فعلا ان الاغاني بتساعد في تعلم لغة جديدة

http://www.scribd.com/doc/48535797/Using-Music-to-Enhance-Second-Language-Acquisition-From-Theory-to-Practice

دا غير ان الافلام والاغاني بيبقي فيهم كلمات ومصطلحات كتييير ..دا غير – ودا الاهم – انك بتتعلمها في سياق الجمل .. وفي الافلام بتشوفها في سياق الاحداث ولان تكرار المقاطع في الافلام والاغاني بتساعد الكلمات انها تثبت في مخك لانها بتتعاد اكثر من مرة وبترتبط بموسيقي انت بتدندنها في اوقات ودا بيساعدك علي التذكر لان الموسيقي والافلام بيبقي فيها مواقف مرتبطة بالمشاعر heart emoticon ودي حاجات عمرك ما هاتنساها حتي ولو موقف واحد مؤثر ..هاتفضل فاكره. smile emoticon

دا غير ان الافلام والاغاني بتعلمك ثقافة مع انها بتمتعك وبتخليك تحفظ كلمات ..الثقافة دي بتساعدك في انك تتكلم مع ناس في مواقف مختلفة .. اكثر حاجة تقدر تعمل بيها ice breaking مع اي حد انك تقول نكتة او موقف مضحك ..فالنقطة دي هتساعدك بمواقف كتيير جدا

تعالوا نتكلم في ايه اكثر الاخطاء الشائعة اللي بتحصل اثناء التعلم بالطريقة دي وازاي تتغلب عليها

اشهر الاخطاء هي انك بتدور كتيير علي كلمات الاغاني وترجمة الافلام؟

اولا في موقع اسمه lyrics.com

وموقع اسمه http://subscene.com/

ممكن تعمل الموضوع بالعكس وتبدأ بانك تدور الاول علي الافلام والاغاني اللي ليهم كلمات وترجمة

لو لقيت الكلمات والترجمة في الاغلب هتلاقي الاغنية او الفيلم في اكتر من مكان smile emoticon

تاني خطأ هو انك تختار فيلم او اغنية مملين او فيهم كلمات كتيير صعبة او رتم الاغاني سريع جدا ؟

اسمع اغاني او تفرج علي افلام في مستواك ..لو لسه بتبدأ اتفرج مثلا علي حاجات

Animation

او ادخل علي موقع زي IMDB.com وشوف التقيمات اللي علي الفيلم الاول قبل ما تتفرج عليه

وانت بتتفرج او بتسمع متحاولش تحفظ كل كلمة..دا هايبقي صعب علي الاقل في الاول

متحاولش تضغط علي نفسك بسرعة..اكتساب اللغة بياخد بعض الوقت

و واحدة من اكبر المشاكل هي قلة الوقت “المخصص للتعلم؟

اختار الافلام و الاغاني اللي بتحبها حتي ولو مشهورة .. لو اخترت حاجة مش بتحبها هاتزقه منها بسرعة وهاتحس ان الطريقة مش بتنجح معاك

كده احنا اتكلمنا عن اشهر الاخطاء ..تعالوا نتكلم عن افضل الممارسات اللي ممكن تعملها علشان تتحسن بسرعة؟

احنا اتفقنا في الاول انك تدور علي الترجمة والكلمات الاول قبل ما تدور علي الفيلم او الاغنية

خلي معاك اجندة بتكتب فيها الكلمات الجديدة.. واحتفظ بيها ..غير ان الاجندة هتساعدك في انك تفتكر الكلمات الجديدة الاجندة كمان هتساعدك في انك لما تراجع كل فترة تشوف انت فاكر اد ايه و تعرف مستواك اصبح فين من اخر مرة انت ذاكرت او راجعت فيها
حاول تبدأ بالاغاني اللي فيها فيديو كليب علشان تربط الاغنية بمواقف ومشاعر و ممكن تبدأ باغاني البوب لانها بتتكلم كتير عن الحب والرومانسية ..فهاترتبط معاك بمشاعر جميلة
لو في فيلم بتتفرج عليه كل فترة ..حاول كل مشهد بتحبه انك توقف الترجمة بحيث تتعود تنطق مع المشاهد
غني الاغنية قدام اصحابك ..ممكن تتفق مع كام صديق ليك انكوا تغنوا الاغنية بصوت عالي .. دندنة الاغنية مش هاتفيد
خليك فاكر انك مش لازم تحفظ الاغنية ١٠٠ ٪ .. لما تحس انك عرفت الاغنية بشكل كويس ..انقل للاغنية اللي بعدها بحيث تشعر بسرعة انك بتتقدم وفي نفس الوقت ابقي راجع عليها كل فترة ..كده افضل بكتيير smile emoticon
مارس اللغة كتيير .. اهم حاجة انك تشوف اماكن فيها اجانب وتمارس اللغة مع اهل اللغة
بالنسبة للترجمة ممكن تستخدم برنامج VLC Player البرنامج مجاني وفيه ميزة انك تزود او تقلل سرعة الكلام ..فهيتناسب معاك في كل الاختيارات
لو الفيلم او الاغنية مشهورين وانت مبتحبهمش بلاش ..حاول تبدأ بالاغاني والافلام اللي بتحبها حتي ولو قديمة
مشاهدة الافلام ممتعة ..وممكن تتفرج علي الفيلم اكتر من مرة .. ويا سلام لو اتفرجت علي فيلم و الفيلم نزله اجزاء جديدة ..هتلاقيك بتتفرج علي الجزء القديم او بيربطلك اثناء الفيلم الجديد “يعني بيفكرك” ببعض الاحداث اللي حصلت في الاجزاء السابقة فتفتكرها وتفتكر الكلمات معاها smile emoticon
الافلام والكليبات هاتعلمك تعبر مش بس تتكلم .. افتكر اننا بنوصل رسالتنا ٣٠ ٪ كلام و٧٠ ٪ تعبيرات وحركة ..فانت بتتعلم الاتنين مع بعض
انت مثلا لو شوفت الجملة دي if you want something go get it period هاتفتكر مشهد ويل سيمث بالحركة بتاعته وهو بيكلم ابنه .. ولو انت زيي من عشاق friends اول ما هاتشوف الجملة دي هاتفتكرها بصوت Joey اللي استحالة تنساه

How you doing

خلي لنفسك وقت تستمتع فيه بالاغاني والافلام من غير ما تركز في كل حاجة ..جدد الجزء الممتع في الموضوع كل فترة

انتقل إلى أعلى