تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

التعليقات علي اي بوست

البوست: اشعر بانتعاش غريب عندما يطلع الصباح وتغرد العصافير.
التعليقات:
– حضرتك تقصد البلابل أم العصافير؟ لو كنت قلت البلابل كان بقى أفضل بكتير
– كيف تجروء على أن يكون لك مشاعر والفقراء يموتون جوعا؟
– اتفق معك يا سيدي. الحياة بدون شريك تكون جرداء كالصحراء
– الحقيقة تتضح والكون يضوي بعبير الحياة
– هل تقصد الصباح أم الفجر. الفجر يطلع قبل الصباح!
– هل تعرف أن النمل الأحمر يرحل من منزلك عندما تسأله بربه أن يرحل
– انا غيرت صورة البروفايل بتاعتي لصورة كارتون من هنا
Www.facebook.com.xxxxxxxx
هل تعرف أن تناول كوب من الماء البارد صباحا ينشط وظائف الكبد
كثير من الناس يعتقد أن النقود مصنوعة من الورق ، و الحقيقة أنها مصنوعة من القطن… See More
– أنا كمان باحس بنفس الشعور
– حدرتك كتبت الألف في كلمة “اشعر” كما لو كانت همسة وصل، والأصح أن تكتب بهمسة كتع
– كان الأفضل حضرتك تكملها وتقول ان فيه بشر آخرين ألقى بهم في السجون غدرا وغيلة
– إنه الانقلاب، هذا زمن السيسي
– هو الخالق الذي آثرت ألا تحمده وتشكره على نعمه، لم لا تقول سبحان الله والحمد لله
– لولا السيسي لساد ظلام الإخوان الحالك، حرموا الغناء ومنعوا تغريد الطيور
– ههههه حلاوتك
– ممكن على الخاص؟
– وداعا لسرقه السيارات، مع أصغر وأسهل و أذكي جهاز تتبع و تحكم في العالم
– سعيد اني لقيتك. هو حضرتك بتشتغل فين دلوقتي. انا متابع حضرتك من زمان، وحافظ كل أغانيك يا أستاذ حسن
– أشعر بفتح التاء واللا بضمها.. ممكن تفسير لو سمحت؟
– دانت رومانسي طحن
-صورة كوميك “بقولك ايام سودة”.
– ل** عن** ومر*** ك**** ناف****
– مافيش فايده
– والله انت رايق
– بوست جميل. أنا كتبت زيه قبل كده. لأ انا كتبته هو.. الحقيقة انت أخدت البوست بتاعي
– انا حاسس ان حضرتك تقصدني. اظن حضرتك ما يصحش وكمان انت اكيد عارف انه لا يسخر قوم من قوم
– اسمح لي انا مختلف مع حضرتك لكن ده ما يمنعش اني احترمك
– نهم يحاربون الاسلام. منذ فترة زمنية طويلة ادركت الولايات المتحدة الامريكية ان الاسلام هو اكبر خطر يهدد امنها القومى وخاصة بعد حادثة تفجير البرجين الشهيرين فى سبتمبر فبدات فى التخطيط… See More
– انا قاعد على القهوة مستنيك وانت قاعد بتكتب حاجات على الفيسبوك بوك
– انا آسف على التعليق اللي فوق وممكن امسحه لو كان فيه إساءة
– طب ممكن نعرف رأيك في اللي حصل في غزة؟ وهل ده بالفعل كده.. واللا تفتكر انه كده؟
– حضرتك فاكرني؟ انا محمد.. فاكرني.. محمد احمد؟
– ممكن اعرف تقصد إيه؟
– السيسي ***
– انت فاكر انك لما تقول كده فى حد هايصدقك.. تبقى حمار “صورة كوميك عادل امام”.
– انحني لهذا الكلام الرائع
– عن عبد الرحمن بن أَبْزَى قال: كان رسول الله صلى الله عليه وسلم إذا أصبح يقول :
“أصبحنا على فطرة الإسلام، وكلمة الإخلاص، ودين نبينا محمد صلى الله عليه وسلم، وملة إبراهيم حنيفاً، وما كان من المشركين”، وفي رواية : “حنيفاً مسلماً”. رواه أحمد، والدرامى بإسناد صحيح
– ألله.. كلام جميل قوي.. ربنا يفتح عليك
– انا مندهش من الكلام ده وكنت منتظر ان حضرتك تكتب حاجة تانية خالص انا كنت بافكر فيها. مابتكتبهاش ليه؟ مش ده كان يبقى احسن، واللا حضرتك ما يهمكش الناس ومش فارقين معاك. أنا آسفة اني صريحة معاك ولو عايز تعمل بلوك ممكن تعمل بلوك.
– وكله بما يرضى الله “صورة كوميك مصطفى شعبان”.
– فين اللى اتفقنا عليه
– حضرتك مش شايف ان القعدة على الفيسبوك تضيع وقت
– اول مرة احسن ان حد ممكن يعبر عني بالبساطة والعمق ده
– انا متأكد ان ولا واحد من البهايم اللي معلقين عارف انك بترمي كلام على هيرمان هيسة في رواية لعبة الكور البللورية. برنس الأدب النمساوي انت
– الإنسان في العصر ده فعلا بيشعر ان المدنية الحديثة بتعقيداتها ابتدت تقضي على قدرة الإنسان على الإحساس بالجمال. ياترى هايكون لسه فيه صباح في مدن تئن تحت غزو ناطحات السحاب ومفيش صباح بيطلع فيها علشان سحب التلوث البيئي أو حتى السحابة السودا بتاعة قش الرز. وخد بالك اني قلت المدنية، مش الحضارة. فرق شاسع بين الاتنين.
– طب مانت رومانسي اهو. امال عمل تكتب العقل والنقل.. وماسك لنا العصاية وانت مديها نحنحة
– برنس الليالي والصباح يا برنس
– على فكرة مش كل الناس ممكن تفهم الحس الساخر بتاعك. الجمهور بتاعنا عايز كلام مباشر
– حضرتك فعلا انسان جميل وتستاهل
– شفت انا طلع عندي حق ازاي!@منشن لحد من أصحابه
– واضح ان حضرتك متأثر في كتاباتك بالفترة اللي قضيتها في فى الكورس الاونلاين
-شاهد فيلم الجزيرة ٢ قبل الحذف
– ممكن Inbox لو سمحت
– ياريت لايك للصفحة دى
– شوف يا عم البهايم اللى مش فاهمة حاجة بتقول ايه @منشن لحد من اصحابه
– حضرتك بتكتب كلام تافه وبيجيلك لايك كتيير .. وانا بكتب حاجات رائعة ومحدش بيتفاعل.. ‫#‏مدينة_البهائم‬
– أوافقك الرأي تماما “صورة كوميك مدحت شلبى”
– حلوة قوى.. لو سمحت هسرقها

انتقل إلى أعلى