تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

حل ولا اجابة

– انت عايز حل ولا اجابة؟
– هو ايه الفرق ؟
– انا ممكن اقول اجابة بس مقدرش اقول حل ..لكن في بعض الاحيان الاجابة بتبقي حل.
– عروستي
– لما بتشوف اي حد ناجح بتروح تسأله..انت عملت ايه وقولي انا “اعمل ايه”.. لما حد بينتقد فكرة بتمر بيها بتقوله “والحل ايه” .. لما حد يشرح/يحلل حاجة قدامك تقوله “ايوه انا عندي نفس المشكلة دي..قولي بقي الحل ايه”…

– اللي بيتكلم عن حاجة بيتكلم عن اجابة .. و الاجابة “وانت سيد العارفين” هي اللي بتجب الدرجة وتنجح في الامتحان
فممكن الشخص يجاوب حاجة ويقولك “متكملش تعليمك” ..دي اجابة واحد معترض علي وضعه وعايز يغيره ..بدون اعتبارات لاهله ممكن يقولوا عليه ايه ..بدون اعتبارات لانه لما هايروح يتقدم لواحدة ممكن اهله يرفضوه ..هما الاول هايقولوله “احنا بنشتري راجل” ..بس بعدها هايقولوله و الراجل بيشترلنا كل حاجة smile emoticon

ممكن اهلك يقولك الاجابة “يا ابني مفيش حاجة هاتنفعك غير شهادتك” ..علي الرغم من ابوك بشهادته بقاله اكتر من ١٠ سنين موظف بخبرة سنة شغل متكررة ١٠ مرات ..وبيترقي صدفة لانه بقاله كتيير في الشغل بعيدا عن الناس اللي اجتهدت وحققت نجاحات عشرات اضعاف اللي عمله.

– ممكن حد يجاوب ويختار انه “يجري ورا حلمه” مهما كلفه الموضوع ..وممكن يضحي بحاجات كتيير في سبيل تحقيق ذلك … انت مبتشوف هو ضحي بايه ..انت بتشوف “بودانك” كلام الناس عنه .

– ممكن تقتنع باجابة “محدش بياخد غير نصيبه” .. ودا صح ..بس مين اللي قال ان ربنا مش هيحاسبنا علي اننا “بنموت فقرا” ..ليه مجتهدناش وتعبنا ونجحنا وحققنا نجاحات عظيمة وكسبنا الدنيا والاخرة .. دور مين اللي قال “الفقراء يدخلون الجنة” .. ومين اللي قال “لو كان الفقر رجلا لقتله”.

– لما حد بيجاوب اجابة ..بيجاوب اجابته .. اللي ممكن تصادف “هوا نفسك” و تقتنع بيها ..ويبقي دا بالنسبالك حل ..بس دا بيحصل نادرا
لكن الاغلب الشخص بيبقي عايز الحل الاشمل ..

– عايز الحل يبقي حاجة يعملها يرضي بيها كل الناس
حل ينجح في اقناع “ناس بعقلية مختلف عنه تماما” ومقتنعوش بكل التغيرات اللي حصلت قدامهم وهما بيستخدموها دلوقتي …بالاضافة الي ان نفس الحل يديله مكانة بين الناس “وتعجب وتنشر كلامه كتيير وطبعا لازم يكون حل بيأكل عيش في الاخر ويشغلك في شغلانة تجبلك مرتب كويس تعرف تتجوز بيه.

-الحل ده “اللي هو مش موجود” هو اللي بيخلي الناس تقنتع بكلام الدجالين زمان ..وبيخليهم يصدقوا “الاعلام” حاليا..علي امل يلاقوه
هو اللي بيخليهم “ميشجعوش” اي حد بيقدم قيمة ..ينتقدوا اي حد بيعمل حاجة مختلفة .. يهاجموا اي حد بيفكر “حتي ولو في مصلحتهم” وبينتقدوه لانه مش شبهم وبيقول كلام بالنسبالهم مينفعش.. لانه بيقوله “اجابات” وهما بيدورا علي حل سهل ..

– بحثهم عن “حل” مش موجد بيخليهم “يعترضوا” علي حاجات لمجرد ان في حد “مشهور” بيقول كده… يسمعوا كلام من غير ما يفكروا فيه لان اللي قاله لقي حل “لنفسه” فممكن يدينا حل احنا كمان.. بحثهم عن شيء مش موجود بعد فترة بيخليهم يكرهوا اللي حواليهم لان من وجهة نظرهم محدش بيساعدهم ..فبيروحوا لاي حد “بيقولهم حلول “حتي ولو مبتحققش” ..بس المهم بيقولهم حلول .

انتقل إلى أعلى