تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

أقصى أحلامنا في الحياة

يا باشا إحنا أقصى أحلامنا في الحياة نقنع المجتمع بتاعنا هنا إنهم
يوافقوا يجوزونا من غير نيش /بوتجاز ب ٦ عيون / تليفزيون ١٥٠ بوصة !
أو إن البنت اللي تعدي ال٣٠ ما تبقاش expired !
أو إن المتحرش أولى باللوم من ضحيته !
أو إن الرجالة ما يصحش يقعدوا في المترو في عربية الستات !
أو إن الوقوف في الطابور غير ضار بالصحة !
أو إن الشيشية مش أقل ضررا من السجاير !
أو إنها آه جت عليك و الورقة اللي هترميها في الشارع هتتكاثر و تعمل كوم زبالة !
أو إنهم يدوا فرصة لاولادهم يجربوا حاجات جديدة بدل ما يعيدوا فشلهم!
أو إن التعليم هو اهم حاجة يقدروا يعلموها ويخدموا بيها ولادهم!
أو إن خوفنا الرهيب من الحسد من غير ما يبقي في حاجة نتحسد عليها اصلا بقي موضة ومحدش بيكتب حاجة تفرح دلوقتي!
أو إن “التصنيف” ايا كان علي اساس ايه بيقتل اي حاجة قبل ما تتفهم!
أو إننا منسكتش عن الظلم علشان “اكل” العيش!

انتقل إلى أعلى