تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

‫#‏امة_اقرا‬

بوست 1: فى اداة جامدة بتعمل 1,2,3
التعليقات:
-باصى يا معلم
-ابعت اللينك
-انا بدور عليها من زمان.
– دا لينك الموقع

بوست 2: فى موقع بيعمل 4,5,6
التعليقات:
-الله عليك
-الموقع ده جامد جدا انا عارفه من زمان
– طيب طالما عارفه منشرتوش ليه..وشرحته للناس
– !!!!!!
– الموقع دا بيعمل ايه؟
-دا هاينفع فى كذا وكذا وكذا

بوست 3: فى خدمة بتقدم امكانيات 10,30,100 … Google it
التعليقات:
-اسمها ايه الخدمة دى
– ما تقول يا عم ..انت هتزلنا علشان تقول
-انشر اللينك على طول و اوعى “تتغر” ..انت كنت ماشى كويس فى الاول
– يا جدعنا انا كاتب Google it
– انت ربنا كرمك بشوية علم ..ومش من حقك تخبيه..المفروض عليك تقول
– وانت ربنا كرمك بايه؟ وايه المفروض عليك؟
– !!!!!!
– احنا لسه بنتعلم ولسه مش عارفين الطريق
– طيب انت المفروض تتعلم “ازاى تتعلم” ودى بداية الطريق..مش مطلوب احفظك بنفس الطريقة اللى وصلتك للمرحلة دى..عايز نغير شوية بقى
– !!!!!!
– هى ايه الخدمة دى اصلا ..وبتعمل ايه ..وانا استفاد منها ازاى؟
– وانا المفروض انى اقولك كل الحاجات دى كلها ليه..مش معنى انى نشرت حاجة يبقى المفروض اشرح لكل واحد “بشكل تفصيلى” كل حاجة وهايستفيد منها ازاى.
– هو انت مش بتعمل الموضوع ده ثواب…يا اخى اتق الله فى نعمة ربنا عليك
– طيب ما ربنا برضه فرض عليك انك تتعلم ..والمفروض انك تكون بتنشر اى حاجة فيها فايدة لاى حد … اى حاجة ممكن اى حد يستفاد منها
– !!!!!!
– والنعمة انت برنس ..الخدمة دى تحفة

بوست 4: تعرف انك بدل ما تعمل 7,5,9 لو عملت 1 هاتوصل لنفس النتيجة:
التعليقات:
– Work Smart, Not Hard
– يا عم مش مهم ..ما احنا شغالين كده تمام
– يا عم فاكس ..البلد دى مفهاش امل
– ايه علاقة البلد باللى انا بقوله
– !!!!!!

بوست 5: فى شركة عملت طريقة تخليك تعمل كذا وكذا وكذا
التعليقات:
– باصى يا معلم.. ابعت اللينك .. الله عليك.. انا بدور عليها من زمان .. الموقع ده جامد جدا انا عارفه .. Work Smart, Not Hard

‫#‏امة_اقرا‬

ملحوظات:
– انا مش بتكلم عن نفسى..انا شفت المواقف دى عند كتير من اصحابى.
– الكلام موجه للناس اللى بتنشر حاجات عن اهمية العلم ..بس مبتتعلمش

انتقل إلى أعلى